Вечер 19 часот, на платото Монмартр во срцето на старата битолска чаршија ќе се одбележат 55 години од основањето на Детското ликовно студио „Свети Кирил и Методиј” Битола. Со церемонија на свечено отворање ќе започнат двете најголеми светски детски манифестации- 42.издание на детската ликовна колонија „Мал битолски Монмартр“ и 41.Светска детска ликовна илзожба „Битола“.

За двете манифестации студиото доби 9.000 евра од домашни институции и тоа 4.000 од Министерство за култура и 5.000 од Општина Битола. Додека Милен Врабевски од Бугарија кој е член на Меѓународниот управен одбор на „Малиот битолски Монмартр“ и претседател на комисијата за развојни програми со ЕУ и УНЕСКО донираше 17. 500 евра за двете манифестации. Покрај ова, тој е и основач на Фондацијата „Бугарско сеќавање“ и е познат како финансиер на бугарските клубови во Битола и Охрид.

Од Детското ликовно студио во Битола на прашањето зошто беше неопходна поддршката од него, ни одговорија дека без неа немаше да се одржат манифестациите зашто само на име хотелско сметување на база полн пансион за седумдневната колонија имаат најавен трошок околу 2О.ООО евра за 12О гости.

Во изминатиот пеирод од студиото се пожалија дека Министерството за образование и наука (МОН) им го откажа финансирањето, а помошта од Министерството за култура ја нарекоа оскудна, иако од таму тврдеа дека е најголема до сега. Детското ликовно студио во изминатиот период имаше и интензивна соработка со Бугарија. Лани беше оставрена посета на детските ликовни творци од Македонија во Бугарија во рамки на проектот „Од двете страни на границата“ финансиран од Фондацијата „Бугарско сеќавање. Учествуваа 10 деца од Македонија и уште толку од Бугарија во камп за филнатропија, детска ликовна изложба во Народното собрание во Бугарија и посета на знамениотости, меѓу кои Рилскиот манастир, доворецот и музеј-парк Врана каде имаа средба и со бугарскиот цар Симеон Втори.

Варбевски донираше и 6.000 евра за наградена членка на студиото заедно со нејзините професори да може да отпатува и да ја подигне наградата на 3 јуни годинава од Троик Франција, стекната на конкурсот на Светскиотинститутза младинскауметност- Центар на УНЕСКО. За таа цел и претседателот на државата Пендаровски донираше 600 евра.

На „Монмартр“ годинава ќе присуствуваат 20 делегации со над 120 учесници од Кина, Индија, Романија, Полска, Словачка, Израел, Турција, Бугарија, Албанија, Србија, Босна и Херцеговина, Хрватска, Црна Гора, Македонија и други.

„Учесниците имаат обемна програма. Оваа година за прв пат за време на колонијата Ш 23 – 30 мај 2023 година ќе се отворат две изложби на ликовни дела од ‘Малиот битолски Монмартр’низ годините’ и тоа во Генералниот конзулат на Грција и Генералниот конзулат на Бугарија во Битола. Пет дена ќе се слика староградска и урбана архитектура во Битола а ќе се реализираат и традиционалната посета на Охрид и манастирот Свети Јован Бигорски“, најавија организаторите.

Годишната колонијата е резултат од светскиот детски ликовен конкурс на кој пристигнаа околу 44.ООО детски ликовни дела од над 65О државни и приватни школи од 71 држава создадени од над 4О.ООО млади ликовни уметници и талентирани ученици.