-На овој начин преку оваа манифестација, која ќе постане традиција за овој регион, сакаме да му дадеме поголема важност на професијата „Земјоделец“, да ги поттикнеме компаниите, стопанствениците и политичарите на уште поголема посветеност на оваа многу битна гранка во општеството, и пред се да ги поддржиме младите земјоделци и жената-земјоделец-нвелат организаторите.

Потврдено е присуство на министерот за земјоделство, шумарство и водостопанство, Љупчо Николовски и посебниот советник за земјоделство на претседателот на владата, Ленче Николовска.

Ќе се изработат мини филмови и слајдови со сите успешни земјоделски политики во оваа област во изминатата година. Низ бројки ќе се направи споредба какво е земјоделството во земјите во ЕУ, а како е кај нас. Ќе се истакнат сите активни и идни огласи на кои земјоделците ќе можат да аплицираат. По официјалниот дел, сите присутни ќе ги забавува музичката група Адути и атрактивната пејачка и звезда која настапуваше на Звездите на Гранд, Десанка Деси Маркоски.