Меѓународната жири комисија по прегледувањето на филмовите одлучи „Златната камера -300“ да му ја додели на  филмот „ Село во срцето на градот“ од авторот Радован Ѓериќ од Република Србија. „Сребрената камера -300“ја добија авторите Драго Латиновиќ  и Илија Галоња исто така од Р. Србија  за филмовите во циклус „ Прозорец  во среќа“ и „Живот од прв ред“, додека пак „Бронзената камера-300“, ја освои филмот „Виолинист“ на македонскиот автор Петре Чаповски. И годинава УНИКА ја додели својата награда„Златен медал“ , таа му припадна на филмот „Страсна недела-Бигорски манастир“, на македонскиот автор Томе Љушев.

Стефан Хаџиандоновски, претседател на Советот на фестивалот и на кино клубот „Студио Милтон Манаки“-Битола, организатор и домаќин ,вели дека годинава се задоволни од квалитетот и бројот на пристигнати филмови како од нашата држава така и од странство.

-Мојот сон стана реалност , желбата да организирам фестивал во Битола се исполни пред 25 години како и инцијативата за организирање на големиот фестивал ИФФК „Браќа Манаки“ и поддршката што ја имаме од државата и општината, рече Хаџиандоновски.