АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Златко Курчиевски и официјално ја презеде функцијата генерален директор на РЕК-Битола од неговиот претходник Васко Ковачевски кој од неодамна е на чело на АД ЕСМ .
-Чест ми е што денеска можам и официјално да ја предадам функцијата генерален директор на РЕК-Битола, на човек кој што ќе ја вложи целата своја стручност и капацитет, а тоа е Златко Курчиевски, кој што е вработен 20 години во комбинатот и кој извршувал различни одговорни функции. Додека јас бев директор во РЕК Курчиевски ја извршуваше функцијата директор на производство и неофицијално мој заменик. Убеден сум дека Ќурчиевски заедно со новиот тим што ќе се формира во РЕК Битола ќе може да се носи со целиот предизвик во комбинатот и дека заедно во комуникација со Управниот Одбор на АД ЕСМ и јас како генерален директор ќе ги подобриме позициите и релациите и дека ќе го овозможиме комплексното производство на целокупната компанија, рече Ковачевски пред медиумите .
Ќурчиевски својата професионална кариера ја гради во РЕК Битола од 1998 година од млад приправник , напредува се до денес кога застанува на чело на РЕК-Битола.
-Сето мое искуство со менаџирањето и познавањето на процесот на производство во РЕК –Битола сигурен сум дека на адекватен начин ќе го искористам во раководењето на комбинатот, нормално со огромна поддршка на генералниот директор АД ЕСМ , Васко Ковачевски, реле Ќурчиевски.
Ковачевски од неодамна ја презеде функцијата прв човек на АД ЕСМ и вети дека ќе ја оправда довербата дадена од владата.
-Чест и одговорност е да се води АД ЕСМ, довербата на Владата која што ми ја даде сметам дека максимално ќе ја оправдаме , ќе ги задржиме постојните добри резултати во производство, инвестиции и ќе ги подобриме . Очекуваме дека соработката која што ја имавме како РЕК-Битола И АД ЕСМ сега ќе ја продлабочиме и подобриме во комуникацијата и сите оние предизвици , проблеми и потреби кои што во минатото можеби стоеја на страна ќе ги подобриме , но да не ја заборавиме општествената одговорност на компанијата да ја поддржиме локалната заедница посебно за општините Битола, Новаци и Могила.
