Годинава љубителите на скијањето немаа можност да скијат на Пелистер поради тоа што досега немаше доволно снежна покривка за да бидат ставени во функција ски лифтот и жичарата. 

 

Но, по обилните врнежи во текот на денешниот ден, двата ски центри веќе ги подготвуваат терените

 

"После снегот кој во утринските часови и во текот на денот иако задоцнето ни пристигна, ние подготвени го дочекавме. Со сите расположливи сили,  нашата механизација, новиот ратрак се на терен и ја подготвуваат патеката за скијање , патот и сите паркинзи се веќе чисти", напишаа од ски центарот  Нижеполе и најавија дека дополнително ќе известат за почетокот на скијањето.

 

Од ски центарот Копанки пак веќе најавија дека утре почнува ски сезоната кај нив со бесплатно скијање првиот ден.

 

"Ве информираме дека утре, со промотивен ден, официјално започнува ски - сезоната во Ски - центарот „Копанки“. Скијањето во текот на утрешниот ден е бесплатно за сите посетители, а Центарот ќе работи од 09 до 15 часот", пишува на ФБ страната на ски центар Копанки

Е.М