Webp.net gifmaker

Се реконструира подрачното ОУ„Браќа Миладиновци“ во село Мусинци

Јуни 11, 2020

 

Локалната самоуправа на Општина Могила започна со градежни активности за реконструкција на подрачното основно училиште „Браќа Миладиновци“ во село Мусинци.

Средствата за реконструкција на ова училиште се обезбедени од програмата на Обединетите нации - УНДП, преку проектот за зајакнување на општинските совети во висина од 1.200.000 денари, додека 179.829 денари се финансирани од Буџетот на Општина Могила.

-Овој проект е дел од низата проекти кои ги спроведува Општина Могила во делот на образованието, подобрување на воспитно образовните установи и создавање услови за непречено одржување на наставата на учениците и вработените. Повеќето училишта,  половина век не претрпеле поголема реконструкција, за што проектите насочени за образованието се од големо значење за нашата општина, изјави градоначалнилничката Јасмина Гулевска

Од следната учебна година учениците во подрачното основно училиште во село Мусинци наставата ќе ја следат во целосна реновирана училишна зграда.

-Училишната средина е одраз на животот во заедницата. Со градење посигурно, подобро и поефикасно училиште со ефективен образовен процес се подобрува целокупниот живот во заедницата, порачува Гулевска.

 

Сподели

Login to your account

Username *
Password *
Remember Me
© 2020 АПЛА.мк. Сите права се задржани