Во иднина ќе се прецизира кој дел од културната понуда на Црна Гора ќе може да се види на битолската културна сцена.

„Две држави кои имаат длабоко и широко поле на соработка, а она што е најзначајно се можностите за културно соработка и развој на туризмот меѓу двете земји. Зборувавме за тоа што значат инфраструктурните врски, патиштата и потребите за лобирање за тие врски да се подобрат во нашата држава, знаеме дека југозападниот дел ни е малку запоставен од тој аспект. Предизвикот ни е Битолско културно лето на кое ќе може Црна Гора да се претстави со свои настапи и дел од својата култура, па ние возвратно тоа да го направиме во нивната држава“, рече Петровска.

Амбасадорот Митровиќ истакна дека Црна Гора и Македонија немаат ни едно отворено политичко прашање што е добра платформа за сите останати соработки.

„Соработката ќе ја зголемиме на многу повисоко ниво од сегашното, таа пред сѐ се однесува на културните активности и многу скоро тим од Општина Битола ќе биде гостин во Црна Гора, најверојатно во Херцег Нови и да видеме кој град е најконтактибилно да има поголема соработка со Битола“, рече амбасадорот.