Големата сала на Центарот за култура во Битола вечерва беше полна со публика која заедно со изведувачите на манифесtацијата „Незаборав“ ги пееше познатите фолк рефрени создадени и испеани од битолчани на Фолк фест „Валндово“ во периодот од 1985 до 2001 година. „Ако згрешам нека изгорам“ , „Еј другари“, „Дајте ми ја“, се само дел од вечерашниот репертоар на „Незаборав“, посветен на познатите битолски музички легенди што годинава по деветти пат во рамките на Битфест го организираше неуморниот продуцент од Битола, Панде Димитровски.

Оваа среда во Центарот за култура во Битола со почеток во 20 часот ќе се одржи манифестацијата „Незаборав“ која по деветти пат ја организира битолскиот продуцент Панде Димитровски. Оваа година „Незаборав“ ќе биде посветен на фестивалските фолк рефрени создадени и испеани од битолчани на Фолк фест Валандово во периодот од 1985 до 2000 година. На концертот ќе настапат групите „Калабалак“ и „Боеми“, хармоникашот Кирил Стојчевски и солистите Зоран Маневски, Билјана Дамјановска Јанчевска, Сефедин Бајрамов, Бојан Стојков, Елена Тодосиеска и Тамара Стојковска. Водител и годинава ќе биде Силвана Петрова Насух.