АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јули 09, 2026
Анета Блажевска
КОНСТИТУИРАН ОПШТИНСКИОТ СОВЕТ ЗА СОЦИЈАЛНА ЗАШТИТА
Општинскиот совет за социјална заштита на Општина Битола одржа конститутивна седница, со што започнува работата на третиот состав на Советот, во насока на зајакнување на локалниот систем на социјална поддршка.
На седницата, за претседавач беше избрана советничката во Советот на Општина Битола Марина Крстиќ, за заменик претседавач советничката во Советот на Општина Битола Софија Ристевска-Петрушева, додека за секретар беше избрана Симона Јовеска, советник за социјални услуги за ранливи групи во општина Битола.
Во фокусот на дискусијата беше улогата на Советот како координативно тело кое ги обединува институциите, граѓанските организации и локалната самоуправа во креирање ефективни решенија за ранливите категории граѓани.
Членовите се осврнаа на актуелните состојби на локално ниво, при што беа идентификувани клучни предизвици поврзани со достапноста на услугите, потребата од проширување на опфатот на социјалните сервиси и унапредување на квалитетот на поддршката.
Во таа насока, беше истакната неопходноста од развој на нови и иновативни социјални услуги, како и подобро искористување на постојните ресурси, преку меѓусекторска соработка и партнерства.
Советот ќе се фокусира на конкретни мерки насочени кон подобрување на положбата на лицата со попреченост, децата и младите во ризик, старите лица и семејствата во социјален ризик, со посебен акцент на пристапност, инклузија и рана поддршка.
Дополнително, беше нагласена важноста од континуирано следење на состојбите на терен и креирање политики базирани на реални податоци и потреби, наместо ад-хок пристапи.
Општинскиот совет за социјална заштита ќе делува како платформа за дијалог, координација и иницирање на решенија, со цел градење поотпорен и инклузивен локален систем.
Општина Битола останува посветена на унапредување на социјалната сигурност и достоинството на секој граѓанин, преку политики што се насочени кон човекот и неговите реални потреби.
Социјалната заштита не смее да биде формалност, туку функционален систем што дава реална поддршка таму каде што е најпотребна.
Товарно комбе се зали на Плетвар околу 17 часот. Колони возила се движат забавено на пат од Прилеп за Скопје, велат возачи за Апла.мк 
ВАНДАЛИ ЈА ОПОЖАРИЈА И ОШТЕТИЈА ЗГРАДАТА НА МЕДИЦИНСКОТО УЧИЛИШТЕ ВО БИТОЛА!!!
За време на празничните неработни денови, на 11 април во 1 часот и 30 минути по полноќ бил извршен вандалски чин со палење на контејнерите во дворот на училиштето, при што пожарот се проширил и предизвикал оштетување на фасадата на задниот дел на објектот.
-Благодарение на навремената интервенција на надлежните служби од противпожарната единица и Министерството за внатрешни работи, пожарот беше локализиран и спречени се поголеми последици. Случајот е пријавен и во тек е постапка за откривање и санкционирање на сторителите.
Остро го осудуваме овој чин на уништување на јавен имот и апелираме до надлежните институции за брза и ефикасна разрешница. Училиштето ќе ги преземе сите потребни мерки за целосна санација на штетата и дополнително зајакнување на безбедноста.
Нема да толерираме вакви постапки, соопштија од Медицинското училиште во Битола.
Саксофонистот Христијан Ристески доаѓа во УТОПИА во Битола
Април 13, 2026Христијан Ристески, лауреат на Jazz Factory: европски џез звук, интимно во UTOPIA
Jazz Factory Festival и оваа година ја потврдува својата улога како платформа што ја следи и развива современата џез сцена, со фокус на автори кои ја движат напред.
Годинашниот лауреат на наградата „Гоце Димитровски“ за најдобар млад џез-музичар за 2025 година е саксофонистот Христијан Ристески, музичар кој живее и работи во Австрија и се издвојува со својот јасен и современ израз.
Наградата, која веќе неколку години се доделува во рамки на фестивалот, од оваа година добива дополнително зајакнување преку партнерството со Синпекс, како поддршка за нејзиниот понатамошен развој. Визуелниот идентитет на наградата, вклучувајќи ја и нејзината форма, е дело на Ања Ристевска.
Фестивалската програма околу лауреатот оваа година се проширува и во UTOPIA, како простор за поблиска и поинтимна комуникација со публиката.
Во среда, 15 април, со почеток во 19:00 часот ќе се одржи прес-конференција за медиумите, по што во 20:00 часот следи промоција на книгата „Walking on Masochism“ од Иван Благојевиќ. 
Вечерта ќе биде заокружена со интимен концерт на Hristijan Risteski Quartet, со почеток во 21:00 часот, во формат што ја доближува музиката до публиката.
Свеченото врачување на наградата „Гоце Димитровски“ ќе се одржи на 17 април во 20:00 часот, во НУ Народен театар Битола, како дел од официјалната програма на Jazz Factory Festival.
Во изминатите години, наградата ја добија музичари кои денес ја обликуваат современата сцена: Александар Ванчовски, Филип Динев, Александар Бошков, Јован Цветковиќ, Давид Скерлевски и Теодор Јаневски – имиња што ја поставуваат јасната линија во која годинава се впишува и Христијан Ристески.
„Фестивалот расте со сцената и за сцената. За нас е важно да создадеме простор во кој младите автори ќе бидат слушнати и на голема сцена и во поблиски формати,“ изјави Сашо Поповски, основач и директор на Jazz Factory Festival.
„Културата не е трошок, туку инвестиција во вредности што остануваат. Поддршката на вакви настани значи создавање услови сцената да се развива и да добива континуитет,“ изјави Христина Фуна од Синпекс/UTOPIA.
Во оваа соработка, важна улога има и личната поврзаност со џезот – Синиша Петровиќ, еден од основачите на Синпекс, е долгогодишен љубител на џез музиката и посетител на концерти ширум светот, што придонесе за природното поврзување меѓу фестивалот, Синпекс и UTOPIA како дел од програмата.
Со ова издание, Jazz Factory Festival продолжува да ја развива својата структура комбинирајќи голема сцена со формати што ја доближуваат музиката до публиката.
Утре во Битола - женски фудбал Македонија - Унгарија
Април 13, 2026УШТЕ ЕДЕН МЕЃУНАРОДЕН фУДБАЛСКИ НАТПРЕВАР ВО БИТОЛА, УТРЕ МАКЕДОНИЈА ПРОТИВ УНГАРИЈА
Следуваат денови на женскиот фудбал и националната репрезентација. Пред нас е двомеч меѓу Македонија и Унгарија, а Битола и стадионот „Петар Милошевски“ пак ќе бидат дом на нашите најдобри фудбалерки. Како минатиот месец против Андора очекуваме голема поддршка, позитивни вибрации и победа.
Првиот меч против Унгарија е на 14 април во 16:00 часот во Битола на стадионот „Петар Милошевски“. Влезот е слободен.
Реваншот е четири дена подоцна во Унгарија.
Утре во Битола "Премин 26" - музичко доживување
Април 12, 2026ПРЕМИН 26, ПОВЕЌЕ ОД МУЗИЧКО ДОЖИВУВАЊЕ
„Проект кој ја бриши границата меѓу жанровите. Звукот, светлината и тишината се испреплетуваа во искуство што не се слуша само со уши, туку се прима со срце“, велат организаторите на настанот.
Ова е здружен проект на Културен и информативен центар Битола со НУ Народен театар Битола, НУ Центар за култура, со поддршка на Општина Битола и манифестира организациски и продукциски капацитети на културните установи во Битола.
Музички проект на Оливер Јосифовски
Учесници:
Оливер Јосифовски
Вера Милошевска
Димитар Андоновски
Православен хор Св. Ангел Битолски
Давор Јордановски, Михајло Михајловски, Христијан Јаневски, Андреј Трајковски, Александар Секуловски, Ристо Крстевски
*Билетите се бесплатни, со претходна резервација на: 075 783 124
Ќе се одржи в понеделник на 13-ти април, на големата сцена на Народниот театар Битола со почеток од 20:00 часот.
Градоначалникот Коњановски со велигденска честитка
Април 12, 2026ВЕЛИГДЕНСКА ЧЕСТИТКА НА ГРАДОНАЧАЛНИКОТ КОЊАНОВСКИ
Драги мои сограѓани, драги пријатели, христијани,
На овој голем празник, празникот над празниците со најискрени желби за добро здравје, радост и среќа, Ви го честитам Велигден и Ви посакувам убави празнични денови исполнети со слога и радост во Вашите семејства.
Го празнуваме празникот кој ја докажува победата на силата на љубовта, надежта, доброто над злото, животот над смртта.
На овој ден да се потсетиме на најголемите вредности кои треба да не обединуваат: добрината, хуманоста, чесноста. Меѓусебно да се почитуваме, да ја негуваме традицијата и да создаваме убави нешта за нас и за генерациите кои доаѓаат после нас.
Да го славиме најголемиот православен празник Воскресението Христово и да се обидеме секој ден со добрина да го исполниме.
Христос Воскресна!
Навистина Воскресна!
Најчитани
