АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јули 09, 2026
Анета Блажевска
ОПШТИНА БИТОЛА РАСПИША КОНКУРС ЗА ИЗБОР НА ИДЕЈНО УРБАНИСТИЧКО - АРХИТЕКТОНСКО РЕШЕНИЕ ЗА СПОРТСКО РЕКРЕАТИВНА ЗОНА – АРМ – БИТОЛА
Основна цел на конкурсот е да се добие квалитетно урбанистичко - архитектонско и пејсажно решение за нова спортско-рекреативна зона во АРМ - Битола, со компатибилни мали комерцијални и деловни намени, следејќи ги принципите на одржливост и избалансиран економски, социјален, еколошки, образовен и културен развој.
Конкурсот ги има следните специфичи цели:
- Да се добие урбанистичко-архитектоско и пејсажно решение кое е во контекст со околината и природните услови на самата локација, создавајќи естетска и функционала целина која ќе придонесе за идентитетскиот развој на градот во просторна и програмска смисла,
- Оптимално искористување на локацијата со минимална изградба која се вклопува во пејсажот, формирајќи еколошки, едукативи и рекреативни површини,
- „Зелен и паметен“ пристап во проектирањето,
- Етапност во изведувањето (почнувајќи од садење на вегетација и поставување на неопходната инфрастрктра, особено обрнувајќи внимание на одводнување на атмосферските води),
- Економичност, изводливост и одржливост на предложеното решение.
Право на учество на овој конкурс има секое заинтересирано правно или физичко лице (поединци или тим и со соработици) кои ги поседуваат стручните класификации согласно условите на конкурсот.
Краен рок за доставување на конкурсниот труд е 15.05.2026 год. до 12.00 часот. За трудовите пратени по пошта важи времето од поштенскиот печат. Крајниот рок за објавување на резултатите од конкурсот е во рок од 10 дена од денот на завршување на истиот.
Повеќе информации на следниот линк: https://www.bitola.gov.mk/idejno-reshenie/
НЕМА ПОВЕЌЕ ПАТУВАЊЕ ДО СКОПЈЕ ЗА ПРЕГЛЕД НА ДЕЦАТА СО НЕВРОРАЗЛИЧНОСТИ, објави Клиничката болница Битола, најавувајќи го неврологот д-р Данило Нонкуловски!
"Има патишта кои се премногу долги и тешки, особено кога по нив се тргнува со дете кое бара посебна грижа и внимание.
Долго време, многу наши сограѓани, беа принудени да ја бараат помошта далеку од дома.
Доаѓа крај на непроспиените ноќи и на тешкиот товар од секој километар поминат кон Скопје. Завршува времето кога нашите дечиња мораа да поминуваат низ мачни патувања кои им ја одземаа силата и кога родителите - херои со немир во срцето чекаа по туѓи ходници, само со една желба, нивното дете да ја добие потребната грижа.
Со огромно задоволство во пресрет на месецот на аутизмот, соопштуваме дека Клиничка болница - Битола склучи договор со доц. д-р Данило Нонкуловски - детски невролог, кој отсега ќе ги врши прегледите во нашата установа.
Без дополнителни трауми, без долги патувања, во сигурни раце, во својот град.
Нашите најмили, нашите ПОСЕБНИ дечиња и вие, родители ХЕРОИ, сте во нашиот фокус.
Вашата насмевка сега ќе цвета дома, во Битола!
Патот до здравјето не треба да биде мачење, туку прегратка која ве пречекува дома, во Битола.
• Отсега, секоја ваша насмевка е и наша заедничка победа, објавија од Клиничата болница Битола. 
Работилница за контрола на тутунот и унапредување на услугите за одвикнување од пушење
Март 27, 2026ОЈО Битола се вклучува во испитување на сомненијата за труење со храна во Рударско-енергетскиот комбинат
Март 26, 2026Надлежните институции испитуваат што ги предизвикало стомачните тегоби на кои вчера се пожалија работници во комбинатот, објави 360 степени.
Битолското Основно јавно обвинителство ги координира дејствијата за целосно испитување на сомненијата за труење со храна во РЕК „Битола“, поради што лекарска помош од вчера до денеска претпладне побарале стотина лица. Дека ОЈО Битола е известено за случајот информираа од Јавното обвинителството на Република Северна Македонија, откако претходно беше соопштено дека Државниот санитарен и задравствен инспекторат (ДСЗИ) привремено ја затворил кујната во Рударско-енергетскиот комбинат (РЕК) „Битола“. „Во однос на сомненијата за труење со храна во РЕК ‘Битола’, Основното јавно обвинителство Битола е известено и ги координира дејствијата за целосно испитување на настанот“,велат од Јавното обвинителството. Надлежните испитуваат што ги предизвикало стомачните тегоби на кои вчера се пожалија работници во комбинатот. Тие тегобите ги пријавиле откако јаделе лазањи со сос во мензата на комбинатот.
СДСМ донесе одлука за распишување на внатрепартиски избори и на критериуми за избор на претседатели. Одлуката е донесена на седница на Централниот одбор на СДСМ одржана синоќа. 
Повикот е отворен за самокандидирање за претседатели на СДСМ во петнаесетина општински организации.
"Социјалдемократскиот сојуз на Македонија ги повикува сите заинтересирани членови на Општинските организации на Битола, Кавадарци, Ѓорче Петров, Крива Паланка, Карпош, Неготино, Шуто Оризари, Пробиштип, Зелениково, Чешиново Облешево, Арачиново, Липково, Боговиње, Делчево, Градско и Претседател на Градската организација на СДСМ-Скопје, да поднесат кандидатури за претседател, а притоа да ги исполнуваат критериумите од Правилникот за кандидирање и избор на Претседател на Општинската организација на СДСМ и Претседател на Градската организација на СДСМ-Скопје, објавија од партијата.
Партијата објави критериуми и бара идниот претседател да ужива висок углед и кредибилитет во локалната заедница и регионот на живеење, да ја има поддршката од сите етнички заедници во својата локална средина. Од граѓаните и населението да биде прифатен како совесен и исполнителна личност која се вбројува помеѓу оние со највисок јавен и професионален углед, на локално ниво да поседува силни политички и организациски способности и да поседуваа вештини за јавен настап.
Заинтересираните кандидати своите програми за работа треба да ги достават во период од 27.03.2026 до 02.04.2026 година до Претседателот на СДСМ Венко Филипче. Меѓу имињата кои се "вртат" во јавноста за иден претседател на СДСМ Битола, се Зоран Стојчевски, Софија Ристевска-Петрушевска, Јане Велкоски, Анета Сердарова, Борче Корлевски, Благој Лазаров ...
Турнир во мал фудбал за бранителите од Вејце во Битола
Март 26, 2026ТУРНИР ВО МАЛ ФУДБАЛ ЗА БРАНИТЕЛИТЕ ОД ВЕЈЦЕ! Во Битола ќе се игра за чест, не само за победа
На 28 април 2026 година, Битола нема да биде само град на фудбал. Ќе биде град на сеќавање.
Во спортската сала „Д-р Јован Калаузи“, со почеток од 10:00 часот, ќе се одржи турнир во мал фудбал посветен на бранителите од Вејце.
Не е ова само турнир.
Ова е ден кога топката ќе се тркала за оние што не се вратија.
Ден кога секој гол ќе биде потсетник, а секој аплауз, благодарност.
Преку спортот, Битола ќе застане обединета, со едноставна порака, не забораваме.
Хероите не заминуваат.
Тие остануваат во секој чекор, во секој натпревар, во секое срце.
Драмата "љубовни писма" на Недеска и Ангелов ја воодушеви публиката во книжевниот клуб УТОПИА Битола
Март 26, 2026Книжевниот клуб УТОПИА како алтернативна театарска сцена: дуо-драмата „Љубовни писма“ ја воодушеви битолската публика.
Со камерната дуо-драма „Љубовни писма“, која се одигра во просторот на УТОПИА Битола доби уште една потврда дека современиот театар не мора да живее исклучиво на институционални сцени.
Претставата, во изведба на реномираните актери Верица Недеска и Игор Ангелов, донесе интимна, суптилна и емотивно прецизна интерпретација на текст што преку писма ја следи сложената врска меѓу два лика низ период од пет децении.
Верица Недеска, актерка со богато театарско, телевизиско и филмско искуство, позната по својата сценска дисциплина и емоционална длабочина, уште еднаш потврди дека минимализмот е нејзина силна страна. Нејзината интерпретација се движеше меѓу тишина и експлозија, градејќи лик што публиката го чувствува, а не само го гледа. 
Игор Ангелов, актер со долгогодишна и разнолика кариера, препознатлив и по своите авторски и монодрамски проекти, ја донесе својата карактеристична сценска прецизност и суптилна иронија. Неговото присуство на сцената не е наметливо, туку органско, што ја прави комуникацијата со публиката директна и искрена. 
„Љубовни писма“ за првпат се изведува надвор од Скопје (каде што се игра во DUDE кафетеријата), а битолската публика имаше ретка можност да ја доживее оваа камерна форма во простор што природно ѝ одговара.
Со ова гостување, UTOPIA продолжува да се позиционира како нова, алтернативна театарска сцена во Битола, простор за монодрами, дуо-драми и камерни претстави кои бараат блискост, концентрација и вистинска емоционална размена со публиката.
Ова е второ вакво театарско гостување во УТОПИА, по претставата „Сите најубави нешта“ на ОХО продукција во режија на Дејан Пројковски, по текстови на Данкан Мекмилан а во изведба на Игор Ангелов, што дополнително ја зацврстува идејата за клубот како место каде театарот се враќа на својата суштина, актерот и гледачот во директен однос.
Со вакви програмски избори, УТОПИА не само што отвора нов простор за театар во градот, туку и создава публика што бара повеќе од класичната сцена.
Нова урбана опрема за јавни површини во Општина Битола
Март 26, 2026НА СЛЕДНАТА СЕДНИЦА НА СОВЕТОТ И УРБАНАТА ОПРЕМА СО НОВИ ЕЛЕМЕНТИ
8-та седница на Советот на Општина Битола е закажана за вторник 31 март, а пред неа расправите во матичните комисии.
Пред советниците ќе се најде одлуката за измена на распоредот на средствата на Буџетот на Општина Битола за 2026 година, потоа програмата за измени и дополнување на програмата за развојни планови на Општина Битола за периодот од 2026 до 2028 година, како и измените на програмата за уредување на градежното земјиште на подрачјето на Општина Битола за 2026 година, измените и дополнувањата на програмата за економски развој на Општина Битола за 2026 година и измените и дополнувањата на програмата за финансирање и изработка на Урбанистички планови на подрачјето на Општина Битола.
Меѓу точките од дневниот ред и програмата за поставување на урбана опрема на јавни површини на подрачјето на Општина Битола, како што се и електричните полначи за автомобили и автобуси, локации за полнење на електрични велосипеди и паркомати.
Советниците ќе носат и одлука за поставување урбана опрема – тезги и трицикла на подрачјето на Општина Битола.
Нова пешачка патека за битолчани покрај Драгор
Март 26, 2026Нова пешачка патека за битолчани покрај реката Драгор! -Со денешното бележење на паркинг местата на зона Б7 се оформи и пешачката патека на улица Булевар 1ви мај со цел непречено движење на пешаците на оваа локација, информираат од ЈП Паркинзи Битола.
Најчитани
