„Успехот за мене претставува мотив за понатамошно учење и школување на англиски јазик. Посетувам приватни часови по англиски јазик од мојата петта година во приватното училиште ‘Big Ben’ во Битола, го изучувам јазикот и на училиште. Го сакам јазикот и зборувам англиски како да ми е мајчин јазик. Моја желба е да станам професор по англиски јазик на некој од познатите универзитети во светот“, вели Симеона Стерјева за Апла.мк.

Нејзин ментор  е професорката по англиски јазик Сашка Делова, вработена во ОУ „Гоце Делчев“ од Битола. Оав е голем успех зашто на Хипо натпреварот од цел свет учествуваа 22 000 натпреварувачи, а во финалето во Италија успеаја да се пласираат само 99. Симеона со постигнатиот успех се искачи на третото место. Деновиве социјалните мрежи се полни со честитки за нејзиниот успех, таа е гордост на нејзиното училиште, но и на целиот град. Ова е пример дека нашите ученици можат да се носат рамо до рамо со нивните врсници дури и од најразвиените држави во светот, дека можат рамноправно да се натпреваруваат со нив, па дури и да ги победат. Тоа се постигнува со талент, посветеност и напорна работа.

Пред светското првенство, Симеона зеде учество на меѓународен натпревар кој се одржа во Струга, Македонија. Ова е само дел од наградите и успесите што ги постигнувала на натпревари по англиски јазик.

(Симеона Стерјева со професорката Сашка Делова)

(од натпреварот во Италија) 

(со родителите) 

(медалите и признанието од Хипо натпреварот)