Американски фолклористи акапела ја испеаја „Македонско девојче“ на синоќешниот концерт на Илинденски денови во Битола. Битолската публика воодушевена од гестот на Амерканците ги награди со силен аплауз, а задоволството беше очигледно. Фолклористи од сојузната држава Јута во САД - Brigham Young University American Folk Dance Ensemble, вчера вечер во Центарот за култура во Битола, откако ја исполнија предвидената програма на изненадување на публиката останаа на сцената, и тогаш ја отпеаја антологиската „Македонско девојче“, што за публиката имаше двојно значење, покрај гестот на добра волја и фактот што песната е компонирана за нашата Виолета Томовска, таа прв пат ја испеа во 1964 година. Песната ја напиша битолчанецот Јонче Христовски инспириран од убавината на ќерката на Виолета Томовска.