-Од месец јули досега со макотрпни напори успеавме училиштата да ги одблокираме за краток период, како би имале законска можност заостанатиот долг во најголе дел го подмириме, а со одредена динамика на исплата на помлку заостанатиот дел и слухот на ЕВН , ни се овозможи електричаната енергија во училиштата да биде пуштена. Имавме макотрпна работа со довериелите кои беа на листата на извршување, но благодарение на взаемната доверба и разговорите со нив успеавме да ги одблокираме сметките на училиштата за да се плати струјата, изјави градоначалничката на Битола, Наташа Петровска.

Вкупниот долг на битолското образование изнесува 4,5 милиони евра. Училиштата, покрај долговите за струја, должат за училишен превоз и кон други добавувачи, а некои 10 години не платиле за вода и други комуналии. По исплатата на дел од долгот кон ЕВН, на 10 училишта сметките повторно им се блокирани.

-Сакам целокупната јавност да знае дека станува збор за проблем кој е наследен и во сиот изминат период се бориме како да го надминеме. Долговите на училиштатат остануваат и останува оваа власт да изнајде начин како да ги подмири , рече Петровска

Негрижата за образовните институции во градот е повеќе од евидентна, посочи градоначалниката, објаснувајќи дека се соочувале со проблеми и при санацијата на некои училиша

- Онаму каде што ги започнавме реконструктивните зафати, при изведувањето се отвораа нови проблеми токму поради негрижата која години наназад ја немало за образованието. Тековно ќе следуваат и дополнителни актиновсти, а дел од бојата која што ја добивме од запленетата роба на Агенцијата за управување со одземен имот, насочена е во образовните институции, за да се помогне во подобрите услови за настава на учениците и досегашната негрижа да биде чекор по чекор санирана. Факт е дека ни претстои макотрпна работа за да ги санираме сите проблеми кои ги имаме затекнато во образовните институции во Општина Битола, рече Петровска.