Јавното обвинителство Битола издало повеќе наредби за да се испитаат причините за смртта на бебето кое во саботата почина по само еден ден од раѓањето. Направена е анатомска обдукција без наредба на јавен обвинител како стандардна процедура што се прави секогаш кога бебе ќе почине.

Доколку има потреба потоа обвинител ќе нареди судско-медицинско вештачење на причинско последичните причини за смртта.

Обезбедена е документацијата за мајката и бебето а родителите ќе бидат повикани на разговор во полициска станица во текот на утрешниот ден.

Обвинителството ги презема сите дејствија за испитување на причините на смртта, потврдија за Слободен печат.