Што предвидува главно сообраќајното решение за влезот на Битола од страната на Прилеп. Премините кај бензинските Макпетрол и преминот кај Лукоил, даде одговор Општина Битола, откако читатели на АПЛА.мк дебатираа што е потребно да се направи при реконструкцијата на  влезот на Битола од северната страна, обнова  која е во тек.  

-Сообраќајното решение за влезот во Битола од страната на Прилеп е во согласност со проектната документација, односно предвидува изградба - реконструкција која според  проектот за инфраструктура – во средишниот дел ќе има разделно острово со ширина од 2,5 метри по две коловозни ленти, со ширина од 5,0 метри во кој ќе има велосипедска патека, пешачка патека и простор за зеленило.

Премините кај Макпетрол и кај Лукоил, ќе се затворат со разделно острово.

На нашаето прашње дали ќе се реконструира делот кај кружниот тек на Дулие и што се предвидува како сообраќајно решение за и околу трговскиот центар „Блис“  и  маркетот „Лидл“ што е во изградба, од Општина Битола појаснуваат-  

-Делот кај кружниот тек кај Дулие ќе се реконструира, согласно одобрениот сообраќаен проект во кој се интервенира во постоечките разделни острова, а кругот останува на истото место.

Градежните работи за реконструкција  на влезот на градот од страната на Прилеп се во тек, а од Општина Битола информираат дека „во моментот се работи на мешовита канализација (атмосферска и фекална). Во меѓувреме се врши широк ископ за изведба на коловозот во согласност со предвидениот проект. Следно треба да се постави цевкаст пропуст за одводнување на атмосферските води.“