На вчерашната прослава по повод 40 годишнината од „Стрежево“, на поранешниот директор постхумно му беше доделена благодарница за големиот придонес што го дал за развојот на претпријатието. Благодарницата ја подигна неговиот внук Томе Делеов.

(од доделувањето на благодарниците по повод јубилејот на ЈП „Стрежево“)

„Уште кога бевме мали сакаше да ни покаже, да ни даде насоки како да се раководиме во нашиот понатамошен живот, зошто треба да бидеме успешни, зошто треба да целиме кон успехот, секогаш сакаше да ни даде идеја, насока која ќе не води понатаму низ животот без разлика на професијата. Нѐ учеше дека со упорност, со истрајност, со труд , со работа можеме да го постигнеме она што сме го зацртале“, раскажува внукот.

Директорот Делов внуците уште како деца ги носел да им ги покажува проектите што ги реалзирале во „Стрежево“. Тие биле мали за да разберат што точно се случува, но чувствувале дека се големи работи. Така, пред изграбата на браната, Битола била жедна за вода. Преку ден кога имало, кога не вода во градскиот водовод, па граѓаните полнеле шишиња, туби, а и на вечер течела, што би рекле битолчани, како под конец.

„Како мали нѐ носеше да ги гледаме неговите проекти и изданија што ги имаше направено не само за Стрежево туку и за генерациите што доаѓаа. Бевме сведоци како работи рибникот, хидроцентралата. Тогаш не бевме во можност да го разбериме сето тоа, сепак сакаше да ни го пренсе. Ни покажуваше како работи браната, нѐ носеше во печуркарникот, кој за жал подоцна престана со работа. Во рибникот ни покажуваше кои видови на риба ги произведува Стрежево, ги пласира на пазарот. Беше гоелма личност која целото свое знаење и енергија ни ги пренесуваше нас“, вели помладиот Томе Делов.

Од дедо му ја наследуил и љубовта кон планината.

„Ме носеше на скијачките терени во Ниже Поле, скијам од моите три години. Покрај мојот татко, учител ми беше и мојот дедо. Тој ми ја влеа љубовта кон планината. Постојано бевме присутни на прошетки за време на викендите до Копанки, до Ниже Поле. Целосно сакаше да ме насочи кон една вистинска патека во животот“, додада внукот.

Бил локал патриот, ја одбил и работата од Светска банка за да остани во Битола

(Томе Делов, поранешен директор на ЈП „Стрежево“)

Томе Делов завршил Градежен факултет во Љубљана, прво работел во Општина Битола,потоа бил технички директор на Бетон, па потпретседател на Извршниот Совет во Општина Битола, па во Водостопанство Пелагонија, а од 1980 до 1997 година прв човек на хидро системот „Стрежево“. Имал многу понуди за работа, но бил голем локал патриот и никогаш не ја напуштил Битола и сѐ што направил било за битолчани да имаат подобар живот.

„Апсолутно беше локал патриот имаше добиено многу понуди за работа. Имаше добиено понуда и од Светска банка, но се откажа од сите нив за да се посвети на граѓаните, на Битола и да остави нешто за идните генерации. Не му беа прироитет профитот и заработувачката, туку приоритет му беше за идните генерации да остани нешто да живеат подобар живот и успеа во сето тоа“, вели внукот Томе Делов.

Ж. Здравковска