Според  анализите на изборите, од 170 избирачки места , СДСМ и коалицијата победи на 164 избирачки места , дури и онаму каде коалицијата никогаш не победувала.

-Вистината е дека победија граѓаните на Битола кои беа газени, понижувани, уценувани, и ограбени  во овие речиси 13 години, од една власт која  бездушно, неуко, диво, расипнички, и недомаќински владееше со Битола. Се надеваме дека во неделата политиките на досегашната власт , притисоците, уцените, заканите, стравот, заминаа на буништето на историјата- рече Груевски.

За новиот претседател на Советот на Општина Битола, довербата на граѓаните е и обврска да се решат наталожените проблеми во сите сфери и оние што се видливи со голо око и оние што допрва ќе се откриваат.  

-Одлуките што ќе ги носиме ќе бидат транспарентни и отчетни, во договор со граѓаните. Нема да водиме инает бидејќи не сме ни најпаметни, ни најдобри. Ќе слушаме се што ќе ни биде конструктивно предложено , а одлуките ќе ги носиме со заеднички договор- рече Груевски, ветувајќи дека Битола ќе се врати на нормалниот колосек на политиката и бизнисот. Тој им се заблагодари и на медиумите за коректното известување и следење на кампањата.