-На средбата разговаравме за перспективите на нашата соработка. Согледваме дека има низа полиња за соработка на општина Битола со Република Словенија кои се однесуваат на образованието, културата, на целокупниот економски развој, на многу полиња кои што отораат перспектива за нашата општина. Оваа средба е само почеток на нешто што треба во иднина да продолжи како длабока соработка преку која ќе реализираме низа проекти и ќе овозможи зближување на двете земји, но и проекти кои ќе донесат благодет за двата народа, изјави по средбата градоначалничката на општина Битола, Наташа Петровска.

Амбасадорот Јазбец ја потенцираше поврзаноста на Република Словенија со Македонија, посебно со Битола, кој како што рече е конзулски град со дипломатска традиција.

-Поврзаностите помеѓу битола и Р.Словенија започнуваат од почетокот на претходниот век во 1913 година кога тогашниот љубљанскиот градоначалник го испратил својот пријател, професорот Јосип Скобернет во Битола да помогне во локланата управа во градот да се исправи на нозе. И ден денес во Битола опстојува куќата во која што престојувал професорот Скобернет која е под надзор на здружението за Словенечко-Македонско пријателство. Имаме во план повеќе стопански проекти заедно со претпријатија од Битола . Македонија и Словенија празнуваат 25 години од воспоставувањето на дипломатските односи и оваа нашата посета претставува дел од тој јубилеј. Сакам да додадам дека Педагошкиот факултет од Битола соработува со Економско - педагошкиот факултет од Ново Место, изјави Милан Јазбец амбасадор на Р.Словенија во Македонија

Министерот Жмавц, најави повеќе активности во идниот период и можност за соработка на двете земји.

-Не поврзуваат културата, јазикот и идентитетот, а тоа отвора голема можност да словенечкото малцинство во Македонија и во Битола, да биде мост за понатамошна соработка помеѓу Р.Македонија и Р.Словенија. Тука не мислам само на културна соработка, туку и за стопански развој на двете држави и дека ќе ја искористиме таа можност да ги отвараме темите кои што пред се се за младите генерации, а тоа е соработка со училиштата и универзитетите, поврзување на тие универзитети со меѓународните, што претставува можност за тие млади луѓе да се образоваат таму и подоцна како стручни лица да се вратат во своите земји. За почеток можност за отварање на страт ап претпријатија , можност за тие млади генерација да се приклучат во истите. На еден начин дадов и гаранција дека во наредната година ќе организираме две работни средби , една на подрачјето на образованието и науката како и една регионална конференција на тема стопанство, изјави Гораст Жмавц, министер за Словенците во странство

Амбасадорот Јазбец и министерот Жмавц, синоќа присуствуваа на свеченоста по повод 10 годишниот јубилеј од постоењето на словенечкото здружение „Триглав“ во Битола.