АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
„ Во Битола и во околината падна обилен дожд и времето доста залади. На Пелистер падна снег и тој слезе до самото поножје“, пишува во весникот.
Во друг весник „Вардар“ пишува дека не само на Пелистер, ами и на останатите планини во земјава се појавила снежна покривка. „Овојпат, ладниот бран ја зафати и Струмица, каде афионот беше во фаза на цветање“.
Според книгата на Стерјовски, снежни врнежи преку лето паднале на 17 август 1978 година кога наврнале десетина сантиметри на Пелистер , предизвикувајќи многу проблеми, зашто врнежите го прекинале дотурот на електрична струја до предавателот, па екипите на Електродистрибуција , за да го отстранат дефектот, работеле цела недела.
Снег на Пелистер паднал и на 5 август 2007 година. Првин се случила снежна вејавица, по која останал напластен 10-на сантиметери снег , кој траел неколку дена.
Покрај снегот, најниските температури преку лето биле измерени на 21 август 1949 година кога термометарот покажал 2,6 степени над нулата. Нешто слично се случило и на 2 јули 1964 година кога температурата слегла на 4,8 степени над нулата според документацијата на Управата за хидрометоролошки работи на РМ.
