Проектот започна да се изведува ланската година кога системот беше поставен на должина од 700 метри почнувајќи од Дихово па нагоре, а овој месец планирано е да се завршат 430 метри на потегот до црквата во село Трново и уште 600 метри крак кон ресторанот Оскар. Потоа во септември ќе работат уште на 350 метри низ селото Трново.

Проблемот со отпадните води на Пелистер се провлекува со години. Сместувачките капацитети и селата во Потпелистерието немаат канализација, а септичките јами ја загаудваат животната средина и планинските водотеци. Анализите на Центарот за јавно здравје секоја година покажуваат бакетериолошки неисправна вода од селските водоводи, но и од јавните чеми на Пелистер. Со изградбата на колекторскиот ситем се очекува овој горлив проблем да стане минато.