Привната гинеколошко-акушерска болница „Плодност“ во Битола каде работи    докторот заболен од корона во Битола, ќе биде затворена во следните 14 дена, соопшти министерот за здравство Венко Филипче.  

„Во однос на приватната болница во Битола таа ќе биде затворена според комуникацијата со нив во следните 14 дена. Сите ќе бидат пратени на домашна самоизолација, па потоа ќе се прави нова евалуација“, рече Филипче.

Сопственикот на болницата д-р Таше Трпчевски, кој е и татко на заболениот лекар, во рече дека болницата ја затвориле уште во петокот откако стигнал позитивниот резултат за докторот, односно неговиот син. Тој вели дека објектот е затворен по нивна лична одлука. Иако имале уште еден тим кој можел да работи, сепак одлучиле заради поголем ебезбедност да го прекинат процесот на работа и да ја затворат болницата. Инаку сите домашни на заболениот лекар се тестирани и се негативни на вирусот