Битолските атлетичари растурија на Националното првенство за младинци

Август 22, 2020

Тројцата млади атлетичари од Битола, членови на Атлетскиот клуб „Олимп“ се закитија со високи награди на Националното првенство за млади младинци што вчера се одржа во Скопје.

 

Христијан Котевски трчаше на 400 метри и го освои првото место со извонреден резултат од 56.44. Јана Стефановска трчаше на 100метри и се пласира на второто место во нејзината група со резултат 15.06, додека пак Наталија Чона настапи на 400м и успеа да го освои третото место со резултат 1:12.59.

Младите атлетичари беа под менторство на битолската легенда во атлетиката, тренерот Демир Даутовски. Своевремено во седумдесетите години Даутовски беше најдобриот атлетичар на „Олимп“ на средни и долги патеки. Во наредните месеци на 1977 година, Даутовски постигнува нов личен рекорд на 5.000 метри со време 15:14,0 , Во сите трки во оваа дисциплина како младинец победуваше , а успешно се носеше и co атлетичарите од повисоките категории. Со својот резултат на 3.000 метри,од 8:48,1 , Даутовски ќе се запише во листата на републичките рекордери во оваа дисциплина. Со лесен чекор, повремено ги практикуваше и дисциплините во стип-чез: 1.500 м, 2.000 м. и 3.000 стипл чез. Неговиот резултат на 2.000 стипл-чез од 6:28,8. е еден од најдобрите резултати во Македонија. Младите атлетичари имаат срежа да учат од најдобриот.

Сподели

Login to your account

Username *
Password *
Remember Me
© 2021 АПЛА.мк. Сите права се задржани