На националното првенство за младинци кое се одржа во четвртокот на арената „Тоше Проески“ битолскиот атлетски клуб „Олимп“ настаспувајќи со двајца талентирани млади атлетичари успеа повторно да е искачи на врвот во дисциплината трчање на 400 метри.

Христијан Котевски, кој трчаше на 400м и успеа да го освои првото место со рушење неговиот најдобар резултат на оваа дисциплина за цели две секунди односно 54.77. Наталија Чона настапи на 400м и го освои 2 место со нов личен рекорд 68.90.

„Овие деца, се новите ѕвезди на битолската атлетика“, велат од АК „Олимп“, а со многу посветеност се водени од нивниот тренер Демир Даутовски.

„Атлетиката која важи за кралица на спортовите, по која Битола одамна е позната, не смее да се заборави“, велат од АК „Олимп“.