„Во моментов капацитетите не се целосно пополнети, се' уште имаме празни места, а имаме и планови за понатаму во зависност од тоа како ќе се одвиваат бројките и колку ќе има потреба од хоспитализации. Она што важи за сите здравствени работници, важи и за работниците во Битолската болница. Медицинскиот кадар е навистина изморен, работат без прекин девет месеци од појавата на пандемијата. Вклучени не се само инфектолозите, туку и пнеумофтизиолозите кои цело време работат рамо до рамо со инфектолозите во тријажата и третманот и на сомнителните пацинети и на потврдените. Сега повторно по принципот на ротација поради зголемената бројка вклучени се и интернистите дополнително да помагаат, вклучен е медицински персонал, медицински сестри од другите одделенија ротираат за да помогнат во Инфективното одделение“, рече Гагачовска.

На Инфективното одделение во Битолската болница хоспитализирани се 39 пациенти.

„Состојбата за жал на поголемиот дел од пацинетите е многу тешка, другите се со средно тешка кон тешка состојба. Голем број од нив имаат потреба од перманентна кислородна поддршка што значи дека дополнително е влошена нивната состојба“, додаде директорката.