Само во Битола 630  лица се во изолација во овој момент, како позитивни на вирусот или пак во изолација поради контакт со лице каде е потврдено присуството на Ковид-19, информираат од СВР Битола за Апла.мк. Сите овие лица  се изолирани со цел да не го шират вирусот и да го загрозуваат јавното здравје. 

Според портпаролот на СВР-Битола, Сања Стаматова, вкупната бројка на лица кои се во изолација исконтролирани за време на викендот изнесува 1183, од нив повеќе од половината се во Битола 630, потоа  298 во Прилеп,  во Ресен 98, во Демир Хисар се 100, во Крушево 31, а во Македонски Брод 27.