На повик на советничката група Поинаку која на последните локални избори освои три советници, денес двата кандидати за градоначалници од ВМРО-ДПМНЕ Тони Коњановски и на СДСМ Христо Кондовски заедно со советниците и нивно членство се вклучија во чистењето на ски патеката Копанки. Ова е една од ретките активности каде двајцата опоненти во заедничка акција придонесоа за општо добро. Развој на Пелистер им е на двајцата во изборната програма. Кој ќе води со Битола ќе дознаеме идната недела, но битолчани се во исчекување и кој ќе биде мнозинство во Советот каде СДСМ има 11 советнции, ВМРО-ДПМНЕ 13, па решавачка улога ќе имаат помалите групи советници и партии како ЛДП и ДУИ со по 1 советник, Левица 2 и Поинаку 3. 

.