Серија земјотреси беа почувствувани попладнево во Битола, сите со епицентар во околината на Лерин, Грција. Најсилниот од нив во 16,14 часот со јачина од 4,5 степени  , а по него во период од нешто повеќе од два и пол часа следуваа уште најмалку шест со магнитуда од 2 до 3,9 степени. Честите потреси предизвикуваат да се зголемат  материјалните штети во објекти каде има пукнатини по ѕидовите, таваните и изронети малтери, а ги вознемируваат и битолчани. Студеното време со снег и температура од еден степен над нулата не се пријатни за престој на отворено под ведро небо.