Гостите од Франција, меѓу кои амбасадорот Кристијан Тимоние, поранешната амбасадорка Лоренс Оер, градоначалникот на Епинал, Мишел Хајнриш и други членови на делегацијата во придружба на домаќините, градоначалничката Наташа Петровска, советникот Менде Илиевски, конзулката Калиопи Кривашија Стилиновиќ и други претставници на Општината и градот денес прошетаа низ Широк Сокак.

Најпознатата битолска улица Широк Сокак досега осум пати го менувала името. Опстојувајќи со векови, секоја нова власт ѝ го менувала името. Била нарекувана по султани, српски кралеви, бугарски цареви, југословенскиот маршал, за на крај битолчани да си го наречат само Широк Сокак.

Дуќанџиите од Широк сокак бараат спас од децата-питачи и повозрасни лица кои просат седнати пред нивните дуќани. Тие со претставка  официјално побараа помош од битолската полиција, но и по повеќе од еден месец нема решение на проблемот.  На потегот од плоштадот „Магнолија“ па се до „Веро“ маркетот, повеќе групи на деца-питачи  растрчуваат пред дуќаните или лежат пред вратите на продавниците, се жалат сопствениците на дуќани.

По битолски Широк Сокак  често можат да се видат автомобили, мотори и велосипеди. Денеска, пак,  граѓанин  си ја  паркираше  колата  пред кафулето каде седна да се напие кафе. 

Камион кој пренесува огревно дрво денеска се движеше по битолски Широк Сокак. Влезе во пешачката зона од локацијата„ Камен мост“, а откако ги растовари дрвата, излезе кај Офицерски дом. Камионот минуваше покрај пешаците, меѓу масите од кафулињата во долниот дел на Широк Сокак, а по плочките течеше масло.