За време на свеченоста по повод реконструкцијата на Пациото, претседателката на Советот, Габриела Илиевска, на евроамбасадорот Дејвид Гир му врачи писмо потпишано од 16 битолски советници преку кое изразија благодарност за поддршката, но и укажаа на тоа дека нема да се согласат со носење на одлуки за кои Советот не дал согласност. Во писмото тие се обраќаат до Гир со барање уште еднаш да го преиспита случајот со заглавениот е вропски проект и како што наведуваат да не дозволи Битола да биде означена како несигурен партнер на ЕУ.

„Во име на граѓаните на општина Битола, ние како советници во Советот на општина Битола, Ви се обраќаме Вам Амбасадоре. Ве молиме, пред се, да ги земете предвид интересите на граѓаните на нашата општина, при донесувањето одлуки за разрешување на ситуацијата во која се вклучени и општина Битола и Делегацијата на Европската Унија во Скопје, во врска со проектот Smart4you2.

На жителите на нашата општина сега повеќе од кога било им е потребна вашата и поддршката од ЕУ – поддршка за реализација на проекти кои се усогласени со интересите на битолчани, а се потврдуваат низ соодветна законска процедура. Се чини дека ова е најсоодветниот одговор на сите неодамнешни напори за поткопување на интегритетот и важноста на Советот на општина Битола.

Секој исход, освен постојаната поддршка за Битола од страна на Делегацијата на Европската Унија во Скопје, би фрлил сомнеж врз основниот демократски принцип - волјата на мнозинството - и би го загрозил унапредувањето на европските вредности за кои мнозинството советници во Советот на општината на Битола неуморно се залага.

Битола се издвојува меѓу градовите на нашата земја, познат по својата историја, посебност и богатото културно наследство. Сега, Битола е и местото каде, можеби повеќе од кога било досега, се водат важни дискусии, а Советот носи одлуки, имајќи ги предвид најдобрите интереси на граѓаните.

Советот на општина Битола даде сесрдна и едногласна поддршка за иницирање на проектот Smart4you2 уште на почетокот на нашиот мандат. Сметаме дека овој проект е витален за нашиот град и со ова сакаме да ја изразиме нашата искрена благодарност за соработката со Делегацијата на ЕУ во Северна Македонија. Меѓутоа, за жал, се случија некои последователни промени во проектот, а ние како консултации не бевме запознаени. Сметаме дека доследноста е клучна за успешно спроведување на секој проект, но, за жал, ние како советници во Советот на општината, заедно со вас, како амбасадор на ЕУ во Северна Македонија, забележавме обиди направени од одредени поединци на кои им недостасува законско овластување. , за да се поткопа и фрли неизвесност околу проектот.

Интересите на граѓаните, канализирани преку Советот на општина Битола, остануваат постојани и непоколебливи, во целосна спротивност со одредени поединци во некои политички и административни улоги. Оттука, клучно е Битола да не биде означена како несигурен партнер на ЕУ. Историски, различни политички групи во општина Битола успешно реализираа бројни проекти поддржани од фондовите на ЕУ. Оваа динамика не само што треба да опстојува, туку и да зајакне. И веруваме дека разрешувањето на оваа ситуација, во која се најдовме ние како советници и Делегацијата на Европската Унија во Република Северна Македонија, ќе го потврди трајното партнерство меѓу овие две институции – партнерство кое трае со децении. .

Во духот на долгогодишната и неприкосновена соработка помеѓу Општина Битола и Делегацијата на Европската Унија во Република Северна Македонија, ве повикуваме уште еднаш да ги разгледате сите релевантни факти и секако интересите на граѓаните. на Битола. Секоја одлука освен континуираната поддршка за Битола и проектот Smart4you2 во неговата оригинална форма, одобрена од сите релевантни институции, би претставувала директен предизвик за правниот систем на Република Северна Македонија. Дополнително, тоа би ги загрозило демократските вредности и би им нанело неизмерна штета на интересите на граѓаните на Битола“, пишува во писмото.

Со европски пари реконструирано е Пациото во Завод и музеј Битола, простор кој е дел од старото воено училиште каде некогаш учел Мустафа Кемал Ататрук, а денес се користи како простор за културни настани. Парите беа извоени од ИПА проект за прекугранична соработка со Албанија, а кофинансираше и Министерството за локална самоуправа.

„Во изминатиот период институцијата изврши реконструктивни зафати во овој дел од објектот каде се поставени нова инсталација, одвод, гранитни плочи и коцки и пристапни рампи за лица со попреченост. Овој простор сега е претворен во лапидариум каде се поставени 15 мермерни скулптури со соодветно оветлување, кои досега не биле презентирани пред јавноста како и споменици од различни временски периоди откриени во Хераклеја и на други наоѓалишта“, рече министерската за култура Бисера Костадиновска- Стојчевска.

Таа изрази уверување дека во иднина ова ќе биде позитивниот имиџ на негување на европски културни вредности.

„Убедена сум дека со реалзиацијата на овој и на идни проекти ќе произлезе нова енергија на уште поголемо пријателство и добрососедство она што не води кон заеднички европски дом“, рече Костадиновска- Стојчевска.

На свеченоста присуствуваше и евроамбасадорот Дејвид Гир кој рече дека ова е уникатен простор, а ЕУ помогна во зачувувањето на неговата убавина за да може да служи за уште многу уметнички настани.

„Во време на дигитални технологии и се поголемиот наплив на технолошки можности кои на перцептивно ниво ни ја менуваат реалноста, навистина е тешко да го најдеме вистинскиот начин како да го доближеме минатото до денешните генерации. Ова денес е реализација на еден сон кој го сонувале многу мои колеги, граѓани, а тоа е да го видиме Пациото со ново руво, реконструирано, средено, соодветно осветлено во кое упеваме преку поставениот лапидариум да ги поврземе нашето минато, сегашност и иднината“, рече диркеторката за Завод и Музеј, Мери Стојанова.

Таа посочи дека ова е првата голема инфраструктурна активност која ја реализираа, по што ќе следат други инфраструктурни зафати во делот на музејската зграда и постојаната музејска поставка.

 

 

 

 

 

 

 

 

 

 

 

 

 

 

 

 

 

 

 

  

 

 

 

 

 

 

 

 

 

 

 

 

 

 

 

 

  

 

 

 

 

 

 

 

 

 

Интергрално го пренесуваме пресот на советничката од СДСМ Мирјана Ралевска Захариевска одржан пред Основното јавно обвинителство во Битола: 

„Градоначалникот на Битола, Тони Коњановски и секретарот на Општина Битола, Борче Димитровски, со нивното незаконско делување во моментот, нанесуваат непроценлива штета на Општина Битола и на интересите на граѓаните на Битола.

До крајот на октомври ќе биде готова зип линијата во Пелистер, што е дел од новата туристичка понуда која има за цел да ги зголеми приходите на паркот од туризам, а за сметка на тоа да се намалат оние од дозволена санитарна сеча на дрвја. Зип линијата е дел од прекуграничниот ИПА проект „Авантура преку граница“, во кој за Пелистер се обезбедни 203.000 евра.

Веќе се направени адреналински патеки за деца и возрасни кај Инфоцентарот на Пелистер и виа ферата за искачување по карпи кај Јоргов Камен.

„За поставување на зип линијата не беше сечено ни едно дрво. Должината на линијата е 250 метри. Има пешачка патека, на старот се добива опрема, па туристите се движат до локацијата наречена Чемата на Момазот, каде се спутаат по зипот. Висината на сајлата е од 6 до 3 метри во зависнот од тежината на корисникот. Долу ја враќаат опремата и има паркинг каде си го земаат возилото“, вели Оливер Божиновски, одговорен за туристичкиот дел во Националниот парк „Пелистер“.

Ако дозволат временските услови, зип линијата ќе биде пуштена оваа есен. Таа ќе работи во делови од годината кога ќе нема високи на наноси од снег.

„Целта е да ја намалиме сечата на дрвја, а да ја зголемиме туристичката понуда. Тоа ќе значи уште поголема заштита на планината. Сакаме да имаме повеќе соработка со туристи, а помалку сеча, санитетска, тоа е кога се прави проред, а секако е со дозвола од надлежните органи. Сакаме и тоа да се намали , ако влеземе во Европа треба сто проценти да се запре сечата. Ова е еден од начините за тоа и унапредување на животната средина “, рече Божиновски.