Водостопанското претпријатие „Битолско поле“ од денес има нов директор. На чело на претпријатието е назначен Стојан Георгиевски. Пред оваа фирма престојат многу предизвици во одржувањето на каналската мрежа и речните корита во Пелагонискиот регион. Во изминатите години битолско Водостопанство се соочи со многу проблеми и трансформации. 

Пред 35 години, Битола, Новата година ја дочекала приклешетна во снег и мраз, а сега со кокичиња по дворовите како да е пролет.  Зимата во 1983 година во Битола снег наврвнал дури 84 сантиметри, а за време на оваа зима во градот одвај проснежи. Денес дневните температури се искачија до осум сетепени над нулата.   

За Нова година можеби повеќе од кога и да е ми недостига градска Битола. Снимките од новогодишните забави низ кафеаните од кои барем делче видовме на тв екраните, беа доволни да ни покажат во каква Битола живееме. Народот вели дека за вкусовите не се разговара. Но, бидејќи сум од Битола, за која милуваме да кажеме дека е конзулска, ќе си земам за слобода да ја прокоментирам цикрузијатата што ја видов.   

Со новогодишна програма со ди-џеј, настапот на пејачот Борче Наумовски и новогодишниот џубокс со Бојан Стојков, актерите Илина Чоревска, Викторија Степановска Јанкуловска, Маја Андоновска Илијевски и бендот Боеми весело мина дочекот на Новата 2018 година на плоштадот Магнолија во Битола. .

.

Евергринот добива посебна моќ и значење кога ќе прозвучи низ гласовите на малите и млади музички таленти. Ова несекојдневно уживање на битолчани им го приреди Детскиот хор „Ѕвончиња“ , „Тин Ѕвончиња“, камерниот хор „Мелодиум“ придружени од „Наш бенд“ под водство на уметничкиот раководител Марина Коруновска. Концертот „Низ душата на македонската песна“ што предновогодишно се одржа вчера вечер во Народниот театар во Битола покажа дека градот не само што има музички талентиран подмладок, туку ја негува и градската традиција.

(Настаните кои ги одбележаа изминатите дванаесет месеци)

Македонскиот олимписки комитет во соработка со Општина Битола одржаа олимписка обука за спортската администрација и спортисти како да подготват успешни спортски прокети и да станат спортски менаџери.

„Ние имаме ситуација во која врвните спортисти кои ја завршуваат својата кариера им фали тој дополнителен едукативен момент за да станат спортски менаџери. Врвниот спортист по дефиниција е интелигентен човек, меѓутоа за да се биде успешен врвен спортист бара многу вложување, а најчесто првата жртва е доброто образование. Токму овој циклус на обуки е наменет таа празнина да ја пополниме и врвните спортски имиња кои завршуваат со кариерата да имаат шанса за кариера после кариера, со мало дообразување, дооформување на своите менаџерски способности да станат успешни спортски менаџери“, рече Даниел Димевски, член на Олимпискиот комитет и советник на премиерот за спорт.

Обуката за напреден спортски менаџмент беше наменета за идните спортски лидери на спортските клубови, федерации, генерални секретари, спортски директори и други спортисти.

„Сакаме на Битола да ѝ дадеме дополнителен шмек, административен, бидејќи Битола е еден од најспортските градови во нашата држава каде што имаме редок слулчај на присуство со сите три колективни спортови, а верувам дека и во индивидуалните постои извонредна база, извонредна спортска култура, население кое препознава , го сака и го поддржува спортот“, додаде Димевски.  

Градоначалничката Наташа Петровска рече дека како локална самопуправа треба да вложуваат максимум за да се направи вистинско поместување на состојбите со спортот во Битола.

„Мора да направиме поинаков поглед на тоа во која насока треба да се движат работите во спортот како да се мотивираат стопанствениците да гледаат поинаку во спортот, да се гледаат себеси во спортот и на спортските работници да им се отвори патот за подобри услови за свое делување“, рече Петровска.  

Општина Битола ги намали непродуктивните трошоци, а тие ќе опаѓаат и во 2018 година. Градоначалничката Наташа Петровска рече дека и таа се придржува кон тоа,  па во изминатите два месеци откако го презеде градоначалничкото место не направила ни еден трошок по основ на репрезентација.

Повеќе од десет години нема нови лекови за хепатит Ц на позитивна листа во земјава, има терапија која е стара и отфрлена од употреба во повеќето земји во Европа, велат од „Хепар центарот“ од Битола. Листата не е ревидирана, но државата обезбедува на годишно ниво одреденна сума на средства за набавка на терапија за одреден број на пацинети. Милан Мишковиќ претседател на „Хепар центарот“ вели дека секоја година преговараат за да се обезбедат што повеќе средства и да не биде забиколен ни еден пацинет.