Арарат ќе стане Шарарат во „Но(е)ва Македонија“

Во новата премиера на Народниот театар од Битола, „Но(е)ва Македонија“ арката на Ное ќе се насука не на Арарат туку на Шарарат, поточно на Шар Планина во Македонија и оттука ќе се распрсни човештвото ширум светот. Ова е само дел од претставата во режија на Кокан Младеновиќ од Србија чија премиера е утре во 22 часот во Битолскиот театар. Претставата ќе ги исмее националистите и политичките грандомани кои ја изопачуваат историјата и себеси се прогласуваат за основачи на целокупната нација.

„Се навршија четириесет години како со лесен чекор ги играм македонските ора иако ја заминав седумдесетката. Орото ми доаѓа како мевлем на годините. Кога сум фатена на него како да сум млада девојка“, вели Злата Коцева, играорка од културно уметничкото друштво „Цветови“ од радовишното село Дедино. Со другите нејзини другарки, повозрасни играорки, ги затекнавме облечени во стари македонски носии на Дефилето на фолклористи низ Широк Сокак што се одржа на фестивалот „Илинденски денови“ во Битола.

Градоначалниците на општините Новаци и Могила, Љубе Кузманоски и Јасмина Гулевска се во работна посета во градот Ајдин во Република Турција. Официјалната посета се реализира на покана на градоначалничката на градот Ајдин, Озлем Черчиоглу и претседателот на Здружението на иселениците од Македонија во Турција, Тургут Ѓулмуш. 

Во рамките на посетата, градоначалниците Кузманоски и Гулевска остварија средби со градоначалници од општини кои се во состав на градот Ајдин, на кои што средби беше договорена заедничка меѓуопштинска соработка во повеќе сфери како и збратимување на македонските со турските општини. 

Околу 10 август магнетната резонанца во Клиничката болница во Битола ќе работи 24 часа, најави министерот за здравство Венко Филипче при денешната посета на установата. Тој со директорот на болницата Зоран Лазаров и другиот раководен тим во болницата договорија таа да биде пилот проект каде ќе се спроведе модел за работа на резонанцата по примерот Хрватска. Целта е да се излезе во пресрет на пацинетите и да нема долги листи на чекање.

Со анегдоти поврзани за фотографската дејност Петар Ставрев говореше за своето дело на свеченото отворање на изложбата „Фолклорни мотиви“ во рамките на Интернационалниот фестивал „Илинденски денови“. Неуморниот хроничат на Битола, па и на Фестивалот „Илинденски денови“ кој пак опстојува 48 години, рече дека воопшто не е едноставно да се фотографираат масовни настани каде доминираат фолклорот и традиционалната песна и игра.

Убавината на македонската носија вечерва ќе светне преку изложбата на фотографии „Фолклорни мотиви“ од истакнатиот битолски фотограф Петар Ставрев. Свеченото отворање е вечерва во Фоајето на Центарот за култура во Битола во 19 часот, а ќе се одржи во рамки на предфестивалската програма на 48 Интернационален фестивал „Илинденски денови“ во Битола.

Ќе бидат изложени четириесет фотографии со фолклорни мотиви кои Ставрев вешто и професионално ги уловил со својот фотоапарат на „Илинденски денови“, „Галичка свадба“, фестивалот во Долнени и на други манифестации. Комитското оро, играорните преплети, уникатниот македонски вез, традиционалните свадби и обичаи ќе бидат прикажани на 21 пано со фотографии.

Долговите за струја на поголемиот дел битолски училишта кои деновиве беа исклучени од ЕВН се наталожени од март 2017 година. Состојбата не е нова, но е поразителна зашто неплатените сметки се провлекуваат од времето на претходната локална власт до денес. Нема точна информација колкав е вкупниот долг, но неофицијално дознаваме дека изнесува околу 100 000 евра. Меѓу уличиштата има и такви кои седум години не плаќале струја за време на претходните директори.

Струјата не е единствената давачка која школите не ја подмирувале редовно, а биле со години толерирани. Во некои од нив вода не е платена од 2008 година.

Централното градско јадро и околни населби од Битола како Бајрот, Ушици, Стрелиште, Бела Чешма и други  вечерва се без струја. Во мрак е и Широк Сокак. Најверојатно се работи за дефект во напојувањето предизвикан од силното невреме проследено со дожд и гржежи кое попладнево ја зафати Битола. 

Од ЕВН потврдија дека невремето предизвикало дефект на два извода од Трафостаницата Битола 3 која го напојува централното јадро. Корисниците ќе бидат префрлени на друго напојување. За поливина час се чека градот да добие струја

Шпанци, Кипарци, Грци, Срби, Полјаци, Хрвати, шаренило од фолклорни ансамбли ќе настапат на годинешното 48 издание на Републичкиот фестивал на народни песни и игри „Илинденски денови“ кој од 28 јули до први август се одржува во Битола. Меѓу 34 ансамбли на програмата е и настапот на гупата „Китка“ од Краун Поинт, Чикаго, Индијана, САД, која игра македонски фолклор, а учител им е Јапонец.

„Ќе имаме една група на фолклористи ентузијасти од Америка која го негува балканскиот фолклор, а посебно македонскиот. Истнересна е гупата ‘Китка’ од Краун Поинт, Чикаго Индијана, САД, каде учителот им е Јапонец, а ги учи македонски фолклор. Учителот има гостувано на ‘Илинденски денови’ и јас го посетив тој ансамбл во 1977 гдоина. Имаше и македонски ученици, но интернационален е“, вели Валентин Соклевски од Советот на фестивалот.

Република Македонија да му плати на лустрираниот Никола Костурски од Битола отшета од 6500 евра поради прекршено човечкото право за фер судење со што му се нанеле неправда и душевен бол, пресуди Европскиот суд за човекови права во Стразбур. Костурски, лекар специјалист и долгогодишен претседател на Здружението на Македонците од Егејскиот дел на Македонија, беше лустриран во 2013 –та година.