Дека билјардската еуфорија и тоа како владее, се покажа со Турнирот што се одржа во период од годината кога луѓето повеќе размислуваат каде на одмор, а официјално сезоната за билјард е на вообичаена летна пауза.

Во клубот „The First“  се одржа Промотивен турнир во дисциплина 9ка- „Струмица Опен“. За сите  да се чувствуваат како дома се погрижија сопственикот Иван, менаџерот Александар- Ате, љубезниот персонал и секако најзаслужните, големите ентузијасти и билјард играчи Мики Тодоров и Марјан Стоилов кој беа и водители на турнирот.

Публика имаше како никаде на друго место во градот и несебично ги наградуваше сите добри потези без притоа да фаворизира некого. Имаше вкупно 28 играчи и може да се каже дека беа присутни сите најдобри од Македонија. Се играше по системот на двојна елиминација, односно дозволен еден пораз,  до финале, така што во Големото финале, победникот од т.н. Зелена зона го чека победникот од Губитниците од Црвената зона и се добива освојувачот на Турнирот.

На пиедесталот беа тројца играчи и тоа Илче Трајковски од Битола, кој што после перфектниот учинок во саботата како да му снема сила во финишот и мораше да се задоволи со третото место. Втор беше Дејан Сипкоски од Скопје, играч со најголеми успеси во Македонија, но во финалето налета на забревтаниот битолчанец Христо Василевски, кој со перфектни шест чисти победи издоминира на турнирот. Според она што можеше да се види на овој турнир од Христо можеме слободно да констатираме, а секако кога би направиле споредба со се она што се случува во светот дека е на вистинскиот пат. Неговиот пристап кон играта во поглед на користење на услуги од еден од најдобрите европски тренери Ш. Тот, па и неговата желба за секојдневни тренинзи, смиреноста кога не е на маса, обмислувањето на играта, изборот на удари, поставеноста и правецот на телото- сето тоа укажува дека неговата доминација на македонската билјардска сцена е на повидок и повеќе од извесна.

Организаторот на турнирот обезбеди богат награден фонд и најави нов турнир за наесен со награден фонд досега невиден во Македонија.

Вкупно 41 вработено лице од фабриката „Кромбер и Шуберт“ Битола, од четвртокот до денес добиле симптоми на труење со храна. Од првата менза, од четвртокот до денес, 30 лица, поради што пред три дена таа била затворена, а денес уште 11 вработени со симптоми на труење од храна кои јаделе во втората менза која исто така е затворена, потврди Иринка Сотирова- Бухова, директорка на Државниот санитарен и здравствен инспекторат.

„Во четвртокот ја добивме правта дојава дека вработени во фабриката ‘Кромберг и Шуберт' имаат симптоми на труење од храна. Тогаш излегоа на терн инспектори заедно со надлежни од Центарот за јавно здравје-Битола и притоа ја затворија едната од двете мензи. Од таму 30 луѓе кои конузмирале храна добиле симптоми на труење“, рече Сотирова- Бухова.

Во текот на денешниот ден добиле известување од Центар за јавно здравје од Битола дека има 11 вработени од истата фабрика со симптоми на труење кои конзумирале храна во втората менза.

„И таа менза е затворена. Не би знаеле колку лица ќе бидат оти на дневна основа околу 5000 оброци се делат во фабриката од двете мензи. Земени се мостри од храна, од работни површини брисеви од раце, нос и грло од вработените за да се види дали е бактерија во храната, на работните површини или носител од вработените. Во понеделник треба да бидат готови првичните резултати од мострите и бирсевите од првата менза“, вели Сотирова Бухова.

Досега нема хосипитализации, само дел од вработените добиле лекарска помош во дневна болница.

Вработените од двете мензи јаделе иста сала, но сепак се испитува дали станува збор за труење со храна.

Интернационалниот фестивал на филмска камера „Браќа Манаки“ наместо во втората половина на септември, како што беше случај во изминатите години, ќе се одржи на крајот на месец август и тоа во рамките на „Бит фест“. Филмскиот фестивал ќе се одржи од 20 до 27 август во Центарот за култура и Офицерскиот дом во Битола.

„Тоа беше концепциска одлука и на фестивалот да биде порисутен и со поголема јавност имајќи предвид дека во летниот период градот живее подинамично , па се очекуав да има и поголема посететност. Настани на фестивалот ќе има и отворњени сцени, па ќе има повеќе гости“, изјави градоначалникот Тони Коњановски.

Фестивалот „Браќа Манаки“ годинава ќе добие повеќе средства од Општината во споредба со претходните години, а ќе биде финансиран и од Министерството за култура.

Порибувањето се реализираше со неколку илјади единки од видот крап со просечна маса од 50-800 грама согласно Риболовната основа, договорот за концесија и одобрениот Годишен план за 2022 година. Локација на порибувањето беше во близина на браната "Стрежево" и Шахтниот преливник на акумулацијата “Стрежево”.

„Чинот на порибување подразбира набавка на специфициран порибителен материјал, негов транспорт во адекватни контролирани услови од репроцентарот до предвидената локација и безбедно испуштање во риболовната вода. На денешниот настан присуствуваа сите релевантни субјекти кои успешно се координираа и се грижеа за регуларноста на порибувањето, како и претставници на медиумите, риболовните здруженија и граѓани. Стрежево повторно ја потврди својата заложба, одговорност и грижа за заштитата и одржувањето на животната средина. Континуитетот на вложувањата во зачувувањето, управувањето, заштитата и обновувањето на рибниот фонд несомнено директно имплицираат врз подобрувањето на условите за вршење на риболов за сите риболовци“, соопштија од ЈП „Стрежево“. 

Извршниот одбор на Здружението на пензионери од Битола под претседателство на Даница Петличкова на денешната седница расправаше за активностостите што се одвиваа во изминатиот период. Донесена е одлука во село Породин, кое припаѓа на месниот огранокот на пензионери на Бистрица, да биде отворен куб за пензионерите во простор кој го отспапува без надоместок жител на село Породин.

Во рамките на своите хуманитарни акции Здружението нма пензионери им додели средства на Лигата за борба против рак кои ќе бидат искористени за автобуски превоз за еднодневна екскурзија. Финансиска подршка беше доделе на пензионерка за подмирување на на дел од средствата за издавање книга ,, Збирка на поезија“. При тоа, стана збор во догледно време да се одржи поетска вечер на која ќе настапат пензионери литературни творци, а со тоа да се поттикни творечката дејност на пензионерите.

Се донесе и одлука Здружението на пензонери да ја исплати разликата во цената за огревните дрва, која настана од енормното зголемување на нафтата и нафтените деривати , како и другите трошоци за утовар- растовар на дрвата . Се со цел да им се помогни на пензионерите испораката на дрва да се врши континуирано и навремено, согласно договорениот рок до крајот на септември огревното дрво да стигни на нивна адреса .

На седницата претседателката Даница Петличкова информираше дека во , Одлуката (Сл. Весник на РМ 134 13.06.2022 ) за времено определување на задршката за солидарен фонд –посмртна помош.чланарина и висината на исплатата на посмртната помош се менува и гласи:

Висината на посмртната помош што се исплатува на членовите на семејствата на починат пензионер изнесува 30.000 денари, почнувајќи од исплатата на јулската пензија , за сите пристигнати барања за исплата на посмртна помош до денот на влегување во сила на оваа одлука.

На примателите на посмртна помош на кои им е исплатена посмртна помош од 25.000 денари, почнувајки од исплатата на јулската пензија ќе им се доплати разликата од 5.000 денари, според редоследот на поднесено барање и во зависност од расположивите средста, најмалку на 1000 приматели месечно.

Доплатата на разликата од став 1 на овој член Фондот на пензиското и инвалидското осигурување на Северна Македонија ќе го врши по службена должност. 

Со полагање цвеќе пред бистите на Коле Канински и Јосиф Христовски- Ѕвончарот пред Апелациониот суд во Битола, денес битолските адвокати го одбележаа 16-ти јуни, Денот на македонската адвокатура.

Се навршуваат 77 години независна македонска адвокатура. Во далечната 1945 година по предлог одлука на тогашниот министер за правосудство д-р Павел Шатев, е формирана Скопска адвокатска комора со надлежноста на федерална Македонија.

„По тој повод традиционално како и секоја година, се поклонуваме пред спомен бистите на познатите правници и борци од Народно ослободителната борба, Никола Тодоровски – Коле Канински и Јосиф Христовски – Звончаро, кој својот живот го дале за слободна и независна Македонија. Спомен бистите се поклон од Адвокатската комора на Македонија подарени на градот Битола во 1980 година. По овој значаен повод исто така го посетуваме вечното почивалиште на д-р Павел Шатев, кое е на градските гробишта во Св.Недела, на кое исто така положуваме цвеќе во знак на благодарност и почит кон неговото дело“, рече адвокатот Иван Рутевски – претседател на Адвокатската заедница во Битола.

Адвокатската заедница Битола е прогласена за една од најактивните заедници во нашата држава во склоп на АКРМ. Адвокатската заедница Битола активно преку свои претставници учествува во органите и телата на Адвокатската комора и преку истите се залага за подобрување на адвокатурата како професија во нашата држава како и преку предлагање на квалитетни законски измени и решенија за добивање на поголема правна сигурност и заштита на граѓаните на Македонија.

Исто така посебно е значајно да се истакне дека Адвокатската заедница во Битола е активна и на меѓународен план, односно активно соработува со Адвокатската комора од Крагуејвац, Србија, каде што непосредно пред овој настан во посета на истата беа неколку адвокати претставници од Битола.

„Битола е традиционален град на адвокатурата, уште од почетокот на формирањето на адвокатската комора уште во 1945 година биле запишани адвокати од Битола, така да и до денес тој тренд продолжува. Битола да биде град на правото, град на адвокатурата и да дава значаен придонес во борбата за правната држава”, истана Рутевски.

(ПРЕЗЕМЕНО ОД ПРАВДИКО.МК)