23 Април е Светски ден на книгата и авторските права, по тој повод денес директорот на НУУБ„Св. Климент Охридски„ - Битола, м-р Бојан Стефановски на битолчанки им подари книга и цвеќе и им ги честита претстојните велигденски празници посакувајќи им многу здравје и среќа.

Синдикалната организација при РЕК ,,Битола" на сите христијански верници им ги честита Велигденските празници со желби за здравје, успех и благосостојба. 

Со желба за здравје, благосостојба и хармонија АД ЕСМ Подружница РЕК „Битола“ им го честита најголемиот христијански празник, Христовото воскресение – Велигден на сите христијански верници.

„Европски зелен договор: обезбедување ефикасен, безбеден и еколошки транспорт“ е насловот на дебатата инспирирана од тековната изложба „Розови тигри и златни гуштери и што уште не“, што вчера се одржа во резиденцијата на Европската Унија во Скопје. Студенти, експерти од областа, претставници на Универзитетите „Св. Кирил и Методиј“ и „Св. Климент Охридски“ ги споделија своите искуства, знаења, но и перспективи како во нашата земја да стигнеме до поодржлив транспорт. На дебатата учествуваа и студенти од Техничкиот факултет од Битола, отсек Сообраќај и транспорт.

Целта беше да се покрене свеста за нашата околина, повеќе да се користи велосипедот како превозно средство, да се подобри патната инфраструктура, како и јавниот транспорт за да се намали загадувањето, но и да се воведат поригорозни правила за увоз на стари возила, ова се дел од заклучоците на дебатата.

- Ако имаме подобри патишта, ќе добиеме побрз транспорт, помалку штетни емисии, ќе се намали времето на патување, а тоа се реални придобивки. Во секое домаќинство имаме премногу возила, колку членови – толку возила. Апелираме да се намали нивниот број. Мораме да почнеме со тоа што го имаме и што е реално да се прави. Треба да се оди чекор по чекор, да се едуцираме да знаеме што се придобивките од одржлив транспорт. Ние сите упорно користиме автомобили, правиме сообраќаен метеж и кога не треба – велат студентите и експертите на дебатата.

Многу е важно да се постават построги правила за увоз на стари автомобили и старосната година да биде повисока - потенцира проф. д-р Верица Данчевска.

- Кога се работи за знаење, во нашата држава немаме проблем со тоа. Имаме голем капацитет на научници и професори, но нашиот проблем е политизацијата од сите аспекти, во сите сфери. Се прави национална стратегија, една власт за четири години сака резултати и потоа доаѓа до промена на власта и некои проекти одеднаш не важат, а тоа не смее да се случува. Ние дозволивме увоз на многу стари возила од странство, а тоа е голем проблем - вели Данчевска.

Во Северна Македонија годишно се увезуваат во просек по 40.000 возила. Во 2021 година сме имале околу 500.600 возила, од кои 55 проценти се дизел, 43 проценти се бензин, а само 3 проценти користат алтернативно гориво, вели Пеце Андоновски од Министерството за економија.

- Поразителна е староста на возилата – кај нас просечна старост на патничките возила е над 19,5 години! За транспортните возила е нешто над 18,8 години - посочи Андоновски.

На 28 април, во четврток, Битола на точак ја организира 62 критична маса и ги повикува сите граѓани кои се засегнати, се сложуваат и се залагаат за вело инфраструктура да се вклучат на протест со заедничко возење од 18 до 19 часот. Овој пат  мотото е „8 години Битола на точак 0 километри вело инфраструктура“

На социјалните мрежи објавени се фотографии на кои Љупчо Ѓоргиевски, претседателот на Културниот центар „Иван Михајлов“ кој го отвори бугарскиот клуб „Ванчо Михајлов“ во Битола е фотографиран со лидерот на ВМРО-ДПМНЕ, Христијан Мицковски. Освен оваа фотографија кружат и други на кои тој е сликан пораншениот претседател Ѓорге Иванов, па со членови на ВМРО-ДПМНЕ од Битола како виорат партиско знаме, потоа со маица на која пишува Антонио Милошовски, па со пратеничката од истата партија Силвана Бонева.

Ова музичко-сценско дело изведено од Националната опера и балет нè однесе на едно космополитско патување, задржувајќи го вниманието на публиката од првата до последната сцена.

Госпоѓиците од Авињон во претставата ги отелотворија, со извонредната балетска игра, Александра Мијалкова, Мими Поп-Алексова- Атанасовска, Ивана Коцевска, Саша Евтимова и Христина Наќевска, кои настапија заедно со одличните Мирослав Митрашиновиќ, Балаж Лашеи од Унгарија, Агим Бафтии и Ендру Кук од Англија. Олга Панго, која е кореограф и режисер на претставата, со асистентите Горан Божинов и Саша Евтимова направија впечатлива кореографија, а заедно со сценографските елементи на Валентин Светозарев вклопени во приказната, но и играта на светлото за кое беше задолжен Милчо Александров, костимите на Раде Василев и шминкaта на Златица Поповска, ни овозможија неверојатна балетска магија.

Моќната музика за балетот е компонирана од Калиопи Букле. За атрактивноста на оваа балетска приказна зборуваат и позитивните реакции на присутната публика на премиерната изведба, која со долг аплауз го награди тимот што работеше на овој балет, и особено извонредните балетски играчи, кои ни донесоа магија на сцената.