АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јуни 04, 2026
Анета Блажевска
ВОДАТА Е ЖИВОТ-ЗАЕДНО ЈА ЧУВАМЕ. КОЊАНОВСКИ И ГИНОВ НА СРЕДБА СО ПРЕТСТАВНИЦИ НА ШВАЈЦАРСКАТА АМБАСАДА
Градоначалникот на Битола, Тони Коњановски денеска присуствуваше на работниот состанок во ЈП „Водовод“ Битола, каде со директорот Андреј Гинов имаа средба со претставници од Швајцарска амбасада за реализација на проектот за надминување на постојните предизвици.
Проектот кој е насочен кон модернизација на водоводниот систем, опфаќа прецизна евиденција и контрола на потрошувачката, воведување SCADA систем и современи водомери, подобрување на наплатата и намалување на загубите, со посебен акцент на руралните средини. 
Оваа иницијатива произлегува од реалната потреба за технолошка модернизација и дигитализација на системот, со цел обезбедување поефикасно управување со водните ресурси.
На средбата беше истакната значајната соработката и со европските фондови, чија поддршка овозможува развој и имплементација на современи решенија. Нивното активно учество претставува клучен фактор за понатамошно унапредување на системот.
Овој проект претставува прва фаза од поширок процес, кој во иднина треба да прерасне во целосна дигитализација на водоводната мрежа, особено во делот на автоматизирано отчитување во руралните средини.
Со инвестиции во инфраструктурата и дигитализација, се очекува зголемена ефикасност на системот, подобрување на услугите кон корисниците и одржливо и одговорно управување со водните ресурси.
Економското училиште од Битола слави патронат
Април 22, 2026ЕКОНОМСКОТО УЧИЛИШТЕ ОД БИТОЛА СЛАВИ ПАТРОНАТ! Со свечена програма исполнета со креативност, Средното општинско економско училиште „Јане Сандански“ Битола денес го одбележа својот патрон празник. Чествувањето започна со достоинствено оддавање почит и полагање свежо цвеќе пред споменикот на големиот револуционер Јане Сандански, од страна на градоначалникот на Општина Битола, Тони Коњановски, и директорката на училиштето, Биљана Јанкуловска. 
Свечениот дел од програмата беше отворен со моќниот настап на училишниот хор, кој ја внесе публиката во празничната атмосфера. Програмата продолжи со вокалните изведби на талентираните ученички под менторство на професорот Марко Тепчевски, кој беше задолжен за музичкиот сегмент на манифестацијата. Веднаш потоа, сцената ја преплави енергијата на учениците кои преку своите танцови точки внесоа динамика и младешки дух во прославата. Кулминацијата на свечениот дел беше изведбата на впечатливата драматизација со наслов „Нишки на тишината“, подготвена под менторство на професорката Христина Зариевска. Преку оваа сцена, учениците на уникатен начин ги оживеаја ликовите и зборовите на великаните на македонската книжевност – Миладинов, Рацин, Шопов, Конески и Андреевски.
Во своето празнично обраќање, директорката Биљана Јанкуловска ја истакна посветеноста на училиштето кон градењето на комплетни личности, порачувајќи:
„Правиме сѐ и посветени сме нашите ученици да ги научиме да гледаат на образованието со стратешко размислување, креативност и трудољубовост во постигнувањето на сопствените цели. Да станат активни и корисни граѓани на заедницата. Со знаењето што го стекнуваат тука, тие се подготвени да го променат светот и да се изборат нивните можности да значат реализација на нивните соништа. Во време кога светот се менува побрзо од било кога, едно е сигурно – стручното образование не е алтернатива, туку предност!“ 
Празнувањето продолжи во училишните простории каде што своја активна улога имаа и училишните тела. Со свои штандови се претставија Младинската организација и Кариерниот центар на училиштето, каде учениците и посетителите можеа да се запознаат со воннаставните активности и можностите за професионален развој. Денот беше исполнет и со генерациски натпревари и презентации на Ученичките компании, со што уште еднаш се потврди дека СОЕУ „Јане Сандански“ е место каде што се негуваат традиционалните вредности, но истовремено се создаваат лидерите на иднината.
"Нека е честит и вековит патрониот празник!, порача Јанкуловска 
Амбасадорката на Норвешка во посета на Битола
Април 22, 2026
Битола - Градоначалникот на Битола Тони Коњановски денеска ја прими амбасадорката на Кралството Норвешка, Кристин Мелсом во придружба на Дритон Кучи, Амбасадор на Македонија во Норвешка.
На средбата беа разменети мислења за билатералните односи што, во изминативе неколку децении меѓу двете земји се засноваат на традиционално пријателство и конструктивно партнерство.
Беа разменети мислења за начините на соработка меѓу двете земји, за универзитската соработка, а градоначалникот на Битола ја запозна амбасадорката со личната карта на Битола и потенцијалните можности за соработка во повеќе полиња.
Амбасадорката Мелсом преку амбасадата во Белград, Србија е надлежна за регионот, вклучително и за Македонија.
Малолетничка од Канино фатена со марихуана и грутчеста материја, била во друштво со повозрасен маж
Април 22, 2026Убава вест за битолчани - Земјоделското училиште останува таму каде што веќе функционира
Април 21, 2026Земјоделското училиште „Кузман Шапкарев“ – Битола останува таму каде што функционира, со јасна поддршка за зачувување на неговата улога и значење, објави заменик министерот за финансии од Битола, Николче Јанкуловски.
-Министерството за образование и наука ќе биде директно вклучено во следењето на работата и практичната настава на учениците.
Владата останува посветена на квалитетно и напредно дуално стручно образование.
Советот на Општина Битола, како основач на училиштата, уште еднаш потврдува дека е вистински глас на граѓаните, објави Јанкуловски.
Претставена програмата на 27. Интернационален фестивал на монодрама - Битола
Во фоајето на НУ Центар за култура денес се одржа прес-конференција на која беше претставена програмата на 27. Интернационален фестивал на монодрама , кој ќе се одржи од 23 до 29 април.
На прес-конференцијата говореа директорот на НУ Центар за култура - Битола, Сашо Илковски, селекторот на фестивалот Благој Мицевски, Љупка Коларова Пајевиќ и Љупка Стефановска, додека за значењето на фестивалот и улогата на жири-комисијата се обрати и актерот Кире Ѓоревски, член на жирито.
Со популарната претстава „Менопауза“на Тијана Дапќевиќ, свечено ќе биде отворено 27. издание на Интернационалниот фестивал на монодрама во НУ Центар за култура - Битола, додека фестивалот ќе биде заокружен со изведбата на претставата „Гидионовиот јазол“- Драмски театар на сцената на Народен театар Битола.
Годинашното издание на фестивалот ќе донесе 13 монодрамски претстави од 10 држави: Ерменија, Полска, Литванија, Грузија, Киргистан, Шпанија, Казахстан, САД, Израел и Македонија.
Во рамките на програмата ќе бидат изведени три македонски претстави, со што фестивалот продолжува да ја поддржува и афирмира домашната театарска продукција.
Покрај официјалната натпреварувачка програма, фестивалот ќе понуди и OFF програма, која вклучува ретроспективна изложба „Лауреати на фестивалот“, уличен перформанс „Статуи“ на Широк Сокак, како и неколку тематски работилници.
Со своето 27. издание, Интернационалниот фестивал на монодрама повторно ја позиционира Битола како значајна точка на театарската мапа, каде се среќаваат различни актерски поетики, сценски јазици и култури од целиот свет.
Бојан Бојкоски- Едногласна одлука за субвенционирање на спортски клубови каде членуваат деца од ранливи категории
Април 21, 2026Поддршка за секое дете – еднакви можности за спорт!, објави претседателот на Советот на Општина Битола, Бојан Бојковски.
Денес, Комисијата за спорт при Советот на Општина Битола, согласно јавниот повик донесе ЕДНОГЛАСНА ОДЛУКА за субвенционирање на спортски клубови во кои членуваат деца од ранливи категории.
Целосно покриена членарина
Согласно јавниот повик, Општина Битола целосно ќе ја покрива членарината за децата од ранливи категории кои се дел од спортски клубови.
Со оваа мерка:
Поттикнуваме активно учество во спорт. Даваме поддршка на семејствата на кои им е најпотребна
Овозможуваме еднаков развој и здрави навики кај децата
Продолжуваме со конкретни мерки за поддршка на младите и развој на спортот во Општина Битола. Членови на комисијата се:
Мартин Ивановски - претседател
Бојан Бојкоски - член
Александар Цветановски - член
Стефан Тековски - член
Александар Дракуловски - член
Битола се сеќава на поетот Тихомир Јанчовски
Април 20, 2026Битола му оддава почит на Тихомир Јанчовски со монодрамата „Лидија или сè што знам за жените“ во УТОПИА
Битола се сеќава на Тихомир Јанчовски.
А УТОПИА - местото каде што минатата година настапи ја продолжува таа меморија преку сцена.
На 22 април, со почеток во 20:00 часот, во УТОПИА ќе се одигра монодрамата „Лидија или сè што знам за жените“, експериментална документарна форма базирана на поетскиот роман на Јанчовски.
Оваа изведба има посебна тежина, не само како театарски чин, туку и како омаж на автор кој остави силна трага на современата книжевна и сценска мисла. Јанчовски беше препознатлив по својот автентичен израз, интимен пристап кон темите и способноста личното да го претвори во универзално.
Монодрамата, во адаптација, режија и изведба на актерот Игор Трпчески, не следи класична драматургија. Наместо тоа, таа функционира како отворен процес и секоја изведба е различна, секој текст се преиспитува, секоја сцена се гради одново.
Токму затоа ова ќе биде осмата изведба во осум години постоење на претставата и прва што се игра по прераното заминување на авторот.
Со музиката на Тони Миќевиќ, изведбата добива дополнителна интимност, бришејќи ја дистанцата меѓу сцената и публиката.
Настанот претставува и продолжување на врската меѓу авторот и просторот, УТОПИА беше едно од местата каде Јанчовски настапуваше и комуницираше директно со публиката, оставајќи силен впечаток кај посетителите.
Со оваа изведба, Битола не само што се сеќава, туку активно го одржува жив неговиот глас.
Билетите се во ограничен број, по цена од 250 денари, а резервации се достапни преку официјалните канали на УТОПИА.
Најчитани
