Во знак на примирје меѓу некогашните воени ривали, Германија и Франција, а денес пријателски земји, францускиот амбасадор Кристијан Тимоние упати порака за мир во Европа и светот на германски јазик. Тој рече дека силата на народите е во помирувањето и дека мирот е најскапоценото нешто што го има Европа.

Германскиот амбасадор Томас Герберих изјави: „Треба да научиме да се отвориме кој помирувањето. Германија и Франција упеаја да го пронајдат патот кон помирувањето. За тоа да се исполни потребна е политика која не изолира и не се засолнува зад национализам и идејата за нови ѕидови.

Бројни делегации на амбасадори, конзули, градоначалници, воени аташеа и други гости положија цвеќе на Германските гробишта во Битола.