Од Охрид до Берово, од Тетово до Крива Паланка, до Скопје и Куманово  граѓаните масово ја дадоа својата поддршка. Сакам да истакнам дека во нашата историја ова е единствената кандидатура за претседател на државата која што е поддржана од над 20 илјади граѓани, од 60 пратеници и од над 30 партии. Македонци, Албанци, Турци, Власи, Роми, Срби, Бошњаци сите заедно се обединија околу Стево Пендаровски. Ова големо обединување и оваа силна поддршка, ова заедништво,  наговестува каков ќе биде изборниот ден на 21 април. На граѓаните на нашата држава потребен им е пред се вистински претседател кој гледа напред кон перспектива и ќе ја води државата кон ЕУ и НАТО. Со еден збор, на нашата држава и на граѓаните потребен им е Стево Пендаровски.  Одиме кон голема победа за доброто на нашата држава, изјави во Битола Александар Кирацовски шеф на Изборниот штаб на СДСМ на престојните претседателски избори .

Кирацовски рече дека до 14 часот денеска се собрани над 15 илјади потписи и истата бројка до крајот на денот ќе биде надминат над 20 илјади потписи.