АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
"Привремено или не, надолниот тренд за дневниот број на новодијагностицирани продолжува да опаѓа. Се чини дека максимумот (зелената линија на вториот дијаграм) бил околу 9 јули, од кога полека ама сигурно просечната дневна промена се спушта надолу. Така покажува и црвената линија, линијата на експоненцијалната регресија која е надолна. Значи, во фаза сме на експоненцијално опаѓање, што е обратно од експоненцијалниот раст.
Просечната вредност на базичниот репродукционен број R0 веќе 5 дена е под единица (иако денеска бележи мал раст), што го потврдува смирувањето на епидемијата (на третиот дијаграм). Всушност, освен едно мало поткачување над единица околу 29 јули, R0 е помало од единица уште од 20 јули. Средината на летото и високите температури вршат добра работа, а до кога - не се знае.
Високите температури сé уште покажуваат влијание (иако сé помало и помало) и врз намалувањето на стапката на смртност, чиј 7-дневен просек моментално изнесува 4,96% - апсолутен минимум од почетокот на епидемијата.
Благодарение на намалените дневни бројки, под услов да продолжи ова темпо на намалување, до спорадични дневни случаи би дошле после 431 дена, барем така велат пресметките, а до тогаш би имале уште 10.591 нов случај. Ова го гледаме на четвртиот, пита дијаграм, којшто не сме го виделе многу долго време и претставува своевиден „прогрес индикатор“ на епидемијата.
Далеку е Сонцето, нé чека уште долг пат, а ни претстојат и есенските и зимските денови, па ваквите долгорочни пресметки треба да се земат со голема резерва", пишува проф. д-р Дејан Трајковски од Техничкиот факултет во Битола
