До 13 часот во општина Битола излегле 16,7 проценти од гласачите или вкупно 13 704 гласачи од 82 131 граѓани, соопштиja од ОИК. До сега гласањето е мирно и без инциденти. 

Во Демир Хисар излезноста до 13 часот беше 15,7 проценти. 

Во Новаци 13 проценти, а во Могила 7,04 проценти. 

До 11 часот на гласачките места во Битола гласале 12 проценти од граѓаните со право на глас, потврдија од Општинската изборна комисија. Во Општина Новаци гласале 7, 2 проценти од гласачите, додека во Демир Хисар излезноста е 8, 7 проценти до 11 часот. Во Могила засега гласале 3,16 проценти од гласачите. Полека битолчани се будат, па раздвиженоста се чувствува и на гласачките места и низ градот. За разлика од утрово кога градот беше речиси празен, а пред гласачките кутии можеа да се забелажат само пензионери сега ситуација се менува од час во час. 

На гласачкото место број 73 во Завод и музеј Битола, во моментов е раздвижено, битолчанката Наде Д. кусо  коментираше, 

-Има време денеска и за ајвар и за гласање!

Низ Широк сокак  битолчани веќе се седнати на првото утринско кафе и муабет, а раздвиженост се чувствува и низ продавниците и градскиот пазар.

Во Македонија денеска се одржува референдум на државно ниво на којшто гласачите треба да се изјаснат на прашањето „Дали сте за членство во ЕУ и НАТО, со прифаќање на договорот на Република Македонија и Република Грција?“ со заокружување „за“ или „против“.

На гласачките места утрово најчести беа пензионерите кои уште рано сабајче излегоа да го остварат своето гласачко право. Сепак, раздвиженоста беше слаба, па поголем број гласачи се очекуваат во текот на денот. Дел од гласачите изјавија дека очекуваат денот да мине без проблеми и граѓаните да го искажат својот став, а други пак, не сакаа да зборуваат во јавноста за очекувањата.

Во 7 часот утрово, навремено  се отворени сите гласачки места во Битола и пелагониските општини Новаци, Могила, Демир Хисар, потврдуваат од општинските изборни комисии.

Според единствениот избирачки список во Општина Битола право на глас имаат 82 131 граѓани кои ќе гласаат на 170 избирачки места. Во Новаци  право на глас имаат 2977 граѓани, во Могила 5 385 полнолетни граѓани, додека во Демир Хисар право на глас имаат 7090 гласачи.

Во Македонија денеска се одржува референдум на државно ниво на којшто гласачите треба да се изјаснат на прашањето „Дали сте за членство во ЕУ и НАТО, со прифаќање на договорот на Република Македонија и Република Грција?“ со заокружување „за“ или „против“.

Во пресрет на утрешниот референдум, денеска гласаат болните и изнемоштени лица, затворениците, како и македонските државјани во странство кои се пријавиле за изјаснување.