-На туристите им се потребни  информации, брошури и промотивен материјал за градот и од тука се роди идејата да направиме една ваква мапа. За разлика од ланската година новата туристичка мапа е печатена на две страни со тоа што на задната страна се промовира НП Пелистер , угостителски објекти во него, но и патеките за пешачење, велосипедизам и ски-патеките на Пелистер, изјави Горан Пинза туристички водич и промотор на Битола.

Според него ЈУ Национален парк Пелистер  безусловно го поддржал  проектот,  за разлика од најголем дел од јавните установи кои не биле заинтересирани да ја помогнат оваа идеја. 

-Битола и регионот поседуваат огромни природни и културно-историски богатства коишто треба да се промовираат и посетат, а туризмот треба да биде главна стопанска гранка за локален економски развој, вели туристичкиот водич Пинза.