-Старите лица кои престјуваат во домот имаат одлични услови, обејктот е комплетно реновиран, воодушевени беа од нашата донација и посетата. Поразговаравме, а тие ни рекоа дека дружењето многу им годи, велат од невладината организација „Еко жена“ од Битола.

Ова граѓанско здружение се финансира исклучиво од членарината на околу 70 активистки, претежно пензинерки, и нема други приходи. Покрај оновните определби за заштита на животната средина, реализираат  и хуманитарни активности. Нивните донации се насочени кон маргинализираните групи –лица со попреченост, социјално загрозени семејства, деца без родители итн.

Во старскиот дом донирале неколку пати досега, а од „Еко жена“ чиј претседател е Љупка Балојани, најавуваат дека нивните хуманитарни акции ќе продолжат и во иднина.