Министерот за здравство Венко Филипче на денешната прес конференција изјави дека голем дел од граѓаните не носат заштитни маски на места каде е потребно, а некои ја носат под брадата или во раце, па затоа ќе побараат санкции што е можно поскоро отколку по 30 мај, како што беше најавено претходно. Филипче рече дека  има и граѓани кои совесно се однесуваат и  носат лична заштитна опрема на лицето при напуштање на домот, во сите затворени и отворени јавни места кога нема да има можност да се одржи препорачаната физичка дистанца од 2 метри. Мерката за носење заштитни маски се спроведува од 23 април.   Тој појасни дека децата од 14 години, па ногоре треба да носат маски, а оние помалите ќе бидат заштитени со тоа што возрасните ќе носат заштитна опрема.