Паралелно со овој зафат, на терен се санираат ударните дупки на локалниот пат до селото и улиците во селото, од страна на екипите на КЈП „Нискоградба“ со топла асфалтна маса, на површина од над 120 метри квадратни, информираат од Општина Битола.

Градоначалничката на Општина Битола Наташа Петровска, го посети селото Црнобуки, а жителите посочија дека чистењето на речното корито е од исклучително значење со што се избегнува опасноста од поплави и излевање на водата. Посочија дека со санацијата на патот, исто така им се олеснува секојдневното движење.

Градоначалничката посебно го потенцираше позитивниот ангажман на локалното население, кое самоиницијативно презема низа активности за подобрување на условите во селото, а општината им излегува во пресрет за дополнување на нивните барања.