Под Тумбе Кфае во Битола, при градежни активности за реконструкција на Стадионот,  кон крајот на октомври, беа пронајдени неексплодирани артилериски гранати со  калибар 75 мм, заостанати од Првата светска војна. Во едномесечна акција на 7 пиротехничари од Дирекцијата за заштита и спасување, беа отстранети 12.600 од овие експлозивни средства. Ова е најголемата количина на неесксплодирани убистевни средства пронајдени не само во државата, туку и на Балканот. Со  возила на амријата и полицијата, деновиве од магацин во битолската Касарна каде се складираа, се транспортираат  на „Криволак“, каде ќе се уништуваат во наредниот период.