Први награди по виолина за учениците од Државното музичко училиште во Битола на Државниот натпревар во Скопје

Април 20, 2024

Април 29, 2018

Марко Крстевски ученик во петто одделение, Теодора Блажевска четврто одд. и Елена Ѓеорѓиева трето одд. од класата на професорот по виолина Зоран Маневски од Државното музичко училиште во Битола, добија први награди на Државниот натпревар на млади музичари 2018 година, што се одржа во Скопје. Исто така, Санела Шукриевска шетто одделение доби втора награда и Андреа Нешковска четврто одд. трета награда.

Според професорот Маневски, неговите ученици со голема волја, желба и посветеност работеа во текот на целата година за сега да постигнат забележителни резултати.

-Наградите се должат на нивната трудољубивост, посветеност и заедничка соработка на часовите по виолина, рече професорот Маневски за апла.мк.

Натпреварот кој е во организација на Здружението на директори и наставници на музичките и балетските училишта на Македонија „Хармонија МБ“ се одржа на 26-27 април во Даут- пашиниот амам во Скопје, каде децата пред жири комисијата се претставија со дела од Н.Бакланова, П Николиќ, О.Ридинг, Ф. Зајц, А.Комаровски, Ф. Крајслер, Ш. Берио и Е.Григ. Свиреа познати концерти и композиции.

Сподели