Гостин на трибината беше д-р Жаклина Сервини, која присутните ги информираше како да ги препознаат почетните симптоми на дијабетот. Директорката на Здрaвствениот дом во Битола, Весна Спироквоска зборуваше  за набваката на инсулин и квалитетот на терапијата. Пред почетокот на трибината беше организирана и акција за проверка на гликемијата во крвта  кај присутните граѓани. 

Годинашната порака е Семејството и дијабетот – подигање на свесноста и препознавање за предупредувачките знаци на дијабетесот како и ризикот од дијабет тип 2. Четири од пет семејства кои имаат член со дијабет потврдуваат дека не ги забележале или имале проблем да ги забележат раните знаците на дијабет кај своите блиски во семејството.

- Лицата со дијабет имаат право на квалитетни услуги, соврмени инсулински терапии и квалитетен живот . Го укинавме паралелниот увоз на инсулин и терапија за дијабетес. Паралелниот увоз не гарантираше квалитет на инсулинот, ниту пак имавме контрола дали терапијата која им е потребна на пациентите во земјава влегува исправна, дали е запазен неопходниот ладен синџир кога се транспортираат овие лекови. Министерство за здравство воведе два нови типови на инсулин Тресиба која е наменета и за децата и инсулинот Фиасп, како и Виктоза кој е лек од најновата генерација за третман на Дијабетес тип 2. Со тоа, современата антидијабетична терапија ја овозможуваме за нашите граѓани, достапна за сите пациенти со дијагностициран дијабет, рече д-р. Билјана Гагачева, претседател на Комисијата за здравство на ОО на СДСМ