„Апел!!! Да не се дозволи распад на ФК Пелистер, да не дозволиме да се повтори историјата, од куп победници до второлигаши или пак не дај боже исфрлање на клубот во 4та лига. Општина Битола, ако останатите акционери во клубот не сакаат да си ги исполнат нивните обврски ве охрабруваме истите да си ги побарате по судски пат. Не можи некој да се луксузира и да купува мерцедеси од по 100 000 евра а истовремено да си поигрува со спортската гордост на еден цел град. Исто така сакаме да ве известиме дека Н.Г. Чкембари нема да седи настрана и немо да ги следи овие случувања. Пелистерка, ЗИК Пелагонија, Жито Битола, завршете си ги своите обврски спрема клубот, да не не можите да си ги завршите вашите основни дејности !!!„ напишаа Чкембарите на ФБ профилот. 

Од Општината, која е 25 % соптсвеник на ФК „Пелистер’,  информираат дека во  2017 година исплатени се сите средства кои со договорот  се обврска на Општината, односно се исплатени 130 000 евра. Претседателот на Советот, Валентин Груевски денеска јавно упати апел  до мнозинските акционери на ФК Пелистер од Битола да го исплатат долгот и клубот да го остават со чиста сметка. После тоа да отпочне правната процедура за преземање на акциите, зошто без платени обврски Општина Битола нема можност да го преземе клубот.