АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Генералниот директор на АД ЕСМ Васко Ковачевски, оствари работна посета на РЕК Осломеј, Кичево. Ја посети локацијата на која што треба да биде изградена фотоволтаичната централа, прва во сопственост на АД ЕСМ. Подготвителните работи за изградба на фотоволтаикот се во тек и полека пристигаат потребните материјали.
Реализацијата на овoј исклучително значаен проект за Државните електрани продолжува и покрај предизвиците што ги наметна пандемијата со Ковид 19 и политичките случувања во земјата.
Според развојната стратегија на АД ЕСМ на површини во рудникот на РЕК Осломеј, предвидена е изградба на две фотоволтаични централи. Ист таков капацитет од обновливи извори на енергија ќе се гради и во РЕК Битола.
