Повеќе од четири часа траеше синоќешниот концерт на Хераклеја на кој настапија Pluto's Doubts, Фолтин и Суперхикс во рамки на фестивалот„Битола отворен град“, кој по 19 пат се одржува во организација на МКЦ-Битола.

„Концерт докажа зошто на нашите музичари им се потребни концерти и комуникација со публиката...и зошто публиката заслужува најдобро. Свежината на Плутоси, сензибилитетот на Фолтиновци и енергијата на Банда Инструментале создаде музички омнибус под исто небо на 4 септември на една античка сцена која евидентира уште еден музички настан за добрата историја на музиката“, велат организаторите.

На концертот беа запазени протоколите за заштита од ковид-19.