Јавното претпријатие за државни патишта започна со рехабилитација на регионалниот пат Новаци-Маково во должина од 2.5км. Градоначалникот на Општина Новаци Љубе Кузманоски денеска излезе на терен со цел да се увери како течат работите. 

-Вкупната вредност на инвестицијата е 11 милиони денари, средства обезбедени од Влада на Република Северна Македонија преку Јавното претпријатие за државни патишта. Изведувач на градежните активности е ЈП "Македонија пат”.

Рехабилитацијата се состои од надградба на коловоз во деловите од регионалниот пат кој е најоштетен и ќе се одвива во две фази. Првата фаза е веќе во тек а со втората фаза ќе се продолжи во наредната година.

 

Со завршување на првата фаза во текот на месец ноември градежните активности ќе продолжат со рехабилитација на вториот предвиден во програмата регионалеп пат, патниот правецБач-Гермијан –Кременица.

Со рехабилитацијата на овие два патни правци ќе се обезбеди нормално и безбедно одвивање на сообраќајот како и квалитетна патна инфраструктура.