Канал 5 дознава од свои извори дека во изминатите 5 дена се врши манипулација на помалите акционери на ЗК Пелагонија и вештачки се дига цената на акцијата од одредени берзански шпекуланти и брокери.

Имено, има интерес од сериозни глобални инвестициски фондови ви земјоделскиот сектор кои веќе имаат огромни инвестиции во земјоделието во регионот, и кои пројавуваат интерес за откуп на ЗК Пелагонија со проценка од околу 50 милиони евра. Во понудата влегуваат агрокомбинатот, електраните од 6 MW и Здравје Радово. Во случај на реализација на такво сценарио, акцијата на ЗК Пелагонија би вредела 15.000 денари.

Знаејќи ги тие инсајдерски информации во моментов се манипулираат помалите акционери и се тргува со нивните акции кои им се откупуваат по цена од 3900 до 4500 денари.

ЗК Пелагонија ја повикува и Комисијата за хартии од вредност и Македонска Берза да ги испитаат овие наводи и да ги заштитат помалите акционери.